Godspeed sa mga naging parte kan ikaduwang hurnada kan songwriting competition kan Bicol Peryodiko sa Probinsya nin Catanduanes.

Masasabi ta na sarong matrayumpong aktibidad ang sinabi ng BP Festival of Music bilang parte kan ika-onseng Anibersaryo kan Bicol Peryodiko poon kan mamukna ini 11 taon nakakaagui. Ang samong pagpapaDIOS mabalos sa mga nag-anduyog, mga finalists, mga sponsors asin iba pang persona na naging parte kan sinabi aktibidad. This is a long journey para sa dakul pang mabibistuhan na mga young and talented songwriters sa bilog na probinsya. Congratulations sa mga nagtabang asin nakisumaro, until next year mga kaperyodiko!


Sarong semanang kaogmahan ang ihinatod kan Catandungan Festival sa mga Catandunganon kan nagtalikod na Oktubre 23-27. Ini ng pigtataram na halipot alagad dasok. Congratulations sa lokal na govierno maging sa Provincial Tourism Office sa pangengenot ni Madam Carmel Garcia sa espwersus na matawanan nin laudable celebration ang ika-72nd founding anniversary kan Catanduanes.

Ang Bicol Peryodiko, perming igwang pinaghahandang aktibidad sa kaogmahan kan Catanduanes nin huli ta kasabay kaini ang selebrasyon sa pagkamundag kan saindong peryodiko.


Congratulations man sa Catanduanes State University sa saindang ikalimang Anibersaryo komo unibersidad. Dakula ang satong pagtubod sa management kan CSU na dakul pang matatawanan nin pakpak na mga hubenes na matau nin dakulang imahen sa probinsya.