Apisar kan kuryente, ang internet man ang saro sa in demand services ngonian na mga panahon, bako lang sa Catanduanes, kundi maging sa iba pang parte kan kinaban.

Kaining nagtalikod na semana, nag-ani ning negatibong reaction ang PLDT makalihis na mawara ang signal.  Almost tolong aldaw antes nag-abot ang signal asin segun ki Mr. Kenneth Rubio, may mga pinag-ayos lang na linya asin naghagad ini ning dispensa sa publiko. Magkakaigwa soboot ning improvement kan signal sa mga masunod na aldaw nin huli sa pagdakol ning mga subscribers. Sa masunod na bulan, mabukas na sa banwaan ing Bato, kung kaya ngonian pa sana nahahandal ang mga subscriber sa padagus na pagluway kan signal kumpara sa enot na paglunsar kaini.

Kung madagdag ang PLDT, much better na magkaigwa talaga ning improvement sa saindang ikipahe tanganing dai man masakripisyo ang serbisyo pabor publiko. Basic necessity ngonian ang magkaigwa ning wifi o internet nin huli sa pagbilis ning communication. Kung malalawos ang pagbukas sa Catanduanes kan inaapod na free wifi kan DICT, posibleng maski saen sa Virac magiging benepisyaryo sa sinabi ng magayon na lakdang.

************

Sunod-sunod ang dialogue manongod sa Abaca. Ini makalihis na maging positibo ang reaction kan mga nanunungdan na ahensya sa katatapos pa sanang Abaca Festival sa Catanduanes.

Ang serye ning mga dialogue sarong oportunidad ini tanganing pormal na ng masimbagan ang mga kahaputan kung papano magkakaigwa ning marhay na marketing strategies asin Sistema para mapalago ang bandala komo number  producing province sa rehiyon.

Pinag-engganar kan pamayo kan PhilFIDA ang mga paraoma maging mga traders tanganing makapag-establisar ning kooperatiba na matau ning oportunidad para sa networking kan mga paraoma. Ang marketing side matau ning dakulang kusog sa mga paraoma na maghigus tanganing igwa ning intriga.

**********

Kudos sa new manager  kan FICELCO sa pagkakaigwa ning dikit na panahon na mapatana sa mga member consumer ang almost 1 week na dai nagbrowout. Kung igwa man naging brownout, medyo minimal ang pagpalsok, kumpara sa nagtalikod na bulan na harus minuto ang pag-ultanan.

Sa pagtukaw ni Manager Raul Zafe, lugod dagus ng matuldukan ang massive brownout sa pagtarabangan ning mga stakeholders.

********

Nagpaluwas na ning report ang DENR sa accomplishment kaini sa nagtalikod na 2017. Maabot sa Un Milyones de pesos ang kabilugan na naaprehindir asin nagpapaheling sana na pursigido ang ahensya na rumpagon ang sinasabing illegal cutting of trees sa probinsya. Dai man mangyayari ini kung bako sa tabang kan PNP maging militar tanganing darakupon ang mga violators.

Advertisement