Masasabi tang smooth asin matrayumpo ang isinaguibong Catandungan Festival bilang parte kan ika-74th Foundation Anniversary kan probinsya ning Catanduanes.

Makahulugan ang selebrasyon nin huli sa nagkakapirang mga bagong showcase kan probinsya, partikular ang mga importanteng markers na maikukunsiderar na mga landmark o mga valuable measures.

Kabale digdi ang unveiling kan Statue ni Congressman Francisco Perfecto na haloy ta ng nababanggit sa satong mga programa maging sa satong mga komentaryo. Atleast igwa na ning landmark ang persona na iyo ang nagtau ning dakulang oportunidad sa probinsya na maging independent province ang Catanduanes hale sa probinsya ning Albay. Ang banwaan ning Caramoran ang enot na nagtau ning ondra sa sinabi ng persona sa paagui kan sarong statue sa plaza kan Caramoran. Si Perfecto man ang naging paagui tanganing makonverter ang Caramoran sa pagiging munisipyo guikan sa Pandan.

Saro pang landmark iyo ang marker kan Happy Island sa Virac Fountain na dakul ang nagpaabot ning positibong komento na naging viral sa social media. Kaito pa man kita minatau nin suwestyon nin arog kaining mga suwestyon. Mas magayon ngani kung makalaag man sa boulevard nin dakulang happy island marker. Dikit lang na reparo ta medyo dark ang kulay kan Catanduanes kung kaya medyo madulom.

 Ang inagurasyon kan playground asin ang soft opening kan Farmville sa kapitolyo, magiging additional attractions sa capital town. Atleast sa paagui ni Acting Governor Shirley Abundo narealisar ang sinabi ng mga proyekto. Baka lamang pwedeng isabay na ang pintura kan kapitolyo na tanganing maging kaaya-ayang tanawon.

Kung maikukunsiderar man ang haloy ta ng swestyon na Kapitol Zoo o wildlife park sa mga bakanteng lote kan kapitolyo mas malawak o mahiwas ang mga pasyaran kan mga taga isla Catanduanes in terms of tourism.

Apwera kan sinabi ng mga markers, matrayumpo man ang halos gabos na mga aktibidades na laog kan 2019 Catandungan Festival.

Ang satong pagsaludar sa mga minakompwesto kan steering committee sa pangengenot ni PBM Edwin Tanael asin ang Provincial Tourism Officer Mam Carmel Garcia, siyempre sa paagui kan administration ni Acting Governor Shirley Abundo asin ang pakisumaro kan SP asin congressional office ni Cong. Hector Sanchez asin TGP Congressman Bong Teves.

Lugod bako sana sa panahon nin festival nabubuhay ang mga kaisipan para sa pagpagayon kan isla, kundi whole year round.

**************  

Congratulations sa 16 na awardees na pinagrekunucir ngonian na taon. Ini sa persona ninda; Carlo Arcilla para sa Science and Technology, Dan Bagay para sa Law Enforcement, Gil Chua para sa Media and Advertising, Felizardo Colambo para sa Human and Community Development, Santiago Gabionza, Jr. para sa Law, Jose Guerrero, Jr para sa Humanitarian Service, Estrella Placides para sa Arts and Culture – Posthumous, Maria Elena Robles-Felaire para sa Medicine and Allied Disciplines, Ranulfo Sanchez para sa Finance, Dante Silva para sa Education, Raymond Taopa para sa Community Service, Carlito Tariman sa Business, Victorio Valledor sa Finance, at Renato Vega sa Agriculture and Aquaculture.

Ang kadaklan sa mga awardees gare bakong mga familiar sa isla, alagad magayon na natawan sinda ning rekognasyon. Mas magayon siguro magkaigwa ning sarong magazine ang komitiba tanganing mas pang matawan nin importancia aqsin mabasa kan publiko ang backgrounders kan mga awardees.

Igwa ning nagkakapirang suwestyon ang ipinagpaabot sa saindong lingkod katakod kan TOCA award. Mas magayon daa siguro kung bako lang so mga pinag nominate ang magiging benepisyaryo, kundi magkaigwa ning research group ang komtiba na tanganing dai man maging self-serving ang manera sa pagtau ning award. Ang nangyayari kaya kung by nomination, maski so mismong awardee iyo ang minakua nin ibang tawo tanganing iyo ang magnominate sa sadiri. Eh papano man so nasupog maghanap ning ma-nominate sa sadiri?

Ano daw kung sa pagheling kan komitiba talagang kapable ang sarong persona na dapat rekunuciron, so komitiba nalang ang maghanap ning paagui kung papano makakua ning mga dokumento? Mas reliable pa siguro ang awarding nin huli ta may effort ang komitiba asin basado sa saindang sadiring imbestigasyon bako so pigahungit sana nin detalye.

******************

Sa pangaran kan bilog na pwersa kan Bicol Peryodiko, minapasalamat kita sa mahal na Dios sa oportunidad na maging parte kan saindong seminal na babasahon sa isla asin pagtaraed na probinsya. May online ang bicolperyodiko sa paagui kan www.bicolperyodiko.com kung kaya dakul kitang natatawan ning impormasyon sa paagui kan website asin social media sa paagui kan bicolperyodikotv sa facebook asin tweeter maging sa bptvonline sa you tube.

Inuulit kan saindong lingkod na ang pagkamundag kan bicolperyodiko igwa nin kawsa. Apwera kan pagtau ning relevante asin reliable na impormasyon sa publiko, mayor na mission man kan satong publication na maging talent scout o training ground kan mga promising journalists sa isla.

So far, dakul na kitang natawan ning oportunidad tanganing mapagyaman ang saindang mga craft asin madiscover ang saindang talent sa pagsurat maging sa pagiging announcers sa paagui kan peryodiko print and broadcast academy.

Mientras na tinatawan pa nin tsansa kan Mahal na Dios ang Bicol Peryodiko na mag-eksistir, mapadagus kita sa pagtau ning tsansa sa mga may ambisyon na maabot ang saindang mga pangarap.

MARAMIT SALAMAT SA PADAGUS NA PAG-PATRONIZE SA BICOL PERYODIKO!

Advertisement