Congratulations to the 44 new civil engineers in the Province of Catanduanes! Siyembre sa CSU asin sa mga magurang na iyo ang guminapang tanganing marealisar ang saindang mga pangarap. Remember, ang pangarap kan mga aki, dakulang accomplishment kan mga magurang asin mga partidaryos.

**********

Sa ibong kan pagbandera kan numero 2 kan Bagyong Ramon sa probinsya ning Catanduanes maswerte kita na dai man ning nadanyaran na buhay, except mga pagrugaring dahil sa marikas na overflow ning tubig.

Normal sa probinsya ning Catanduanes ang pinag-aaguihan ning bagyo, alagad, ang mga nasa mainland, grabe ang paghadit sa sitwasyon na arog kaini. Ang arog kaining mga huma sa buhay ang kaakibat na kan mga Catandunganon kung kaya, abante permi ang buhay.

Naiisip, siguro, panahon na tanganing maghinguha ang satong mga lehislador maging mga local officials na maisulong ang tulay na makonektar sa isla pasiring sa Camarines sur.

Kadabes kaya na maski normal ang panahon dawa igwa ning signal, imediatementeng daing biyahe ang satong mga baruto na iyo ang mina-transpordo sa Catanduanes asin vise versa. Ingkaso, mangyari marealisar ini, dakulang kabawasan sa hadit asin pagkaka-isolate kan Catanduanes sa kadabes igwa ning arog kaining remalaso sa panahon.

Kung mahihimo ang tulay,  libre na ang satong paglakaw-lakaw asin dai na mahalat ning timing na kung nuarin mahupa ang signal o nuarin makalma ang anuman na maraot na klase ning panahon.

Kung nangyari sa ibang lugar, nata ta dai pwede mangyari sa island kayganda. Medyo halangkaw na pangarap, pero, valuable asin relevant sa pinagsasapar kan Catanduanes ingkaso mina-agrumod ang panahon.

***********

Sa kadabes na pag-uran man sa banwaan nin Virac, matic man ang pag-sup-ay ning tubig sa mga drainage. Mas magayon siguro, tawan din ning atensyon kan LGU Virac ang comprehensive drainage tanganing maibitaran ang arog kaining marikas na pag-overflow ning tubig.

Partikular sa tampad kan Catanduanes State Unviersity. Ang drainage na pinagralaag dyan, mga tolong taon na ang nakalilipas medyo makipot kung kaya, matic na nagiging salog ang mainroad sa tampad CSU.

*********

Segun sa mga environmentalists, saro sa dakulang epekto kung nata madali ang rumpahog kan mga kadagaan na minakawsa ning pagbabaha sa Catanduanes iyo ang pagkaputol na kan mga kakahuyan na iyo kuta ang support.

Public knowledge na ang isyung ini asin ang kaipu ta dyan remedyo. Ano daw kung pwedeng iproponir sa lado kan Sangguniang Panlalawigan o pwedeng i-legislate kan satong mga kongreso ang lakdang na matau ning pagmando sa mga bacalauriat degree sa mga kolehiyo na obligaron ang mga ini na magtanom nin kahoy sa enot pa sanang ralaogan komo 4th to 5th year student.

Ang estratihiya, aalagaan kan estudyante sundo sa maka-graduate siya, asin saro sa mga rekisitos sa graduation iyo na maipaheling  ang saiyang tinanom na buhay na.

Dakul kasi na nagkokonducir ning mga tree planting asin sundo sana duman, pero dai man naheling kung nagdakula o nabuhay. Sa paagui siguro kaini, pwedeng maging epektibo ang satong kampanya para sa tree planting sa probinsya. Sa paagui nin DENR asin mga LGUs sinda man ang madelegar kung saen na lugar pwede magtanom. Pwede ngani sa saindang sadiring lugar.

Sarong suggestion man sana ini na pwede pang lagan ning additives kung magkakanigo tanganing gabos magkontribuer sa mitigation dara kan inaapod na climate change.

**********

Igwa na ning computerized facial composite ang PNP Caramoran kan postura kan personang pinagsusupuneran na iyo ang nasa likod kan insidente ning panggagadan asin paghahabas sa sarong teacher na nageestar sa Barangay Toytoy asin nakadestino sa Maysuram elementary school.

Kung iyo mananggad ang nasa picture, medyo familiar sa lado kan nagkakapirang mga taga Caramoran ang lugar. Segun sa impormasyon, gare residente nin Pandan ang suspek asin iyo ngonian ang sentro ning atensyon kan PNP.

Minalaom kita sa marikas asin bakong usad pagong na development kan sinabi ng krimen. Mas marhay na pahiwason kan PNP Caramoran ang saindang espwersus tanganing matawan ning immediate na solusyon ang sinabi ng kaso.

*********

Advertisement