Namundo ang bilog na kinaban lalo na ang mga sports enthusiasts sa biglaan na pagkagadan ni NBA legend Kobe Bryant nin huli sa aksidente sa saiyang helicopter.

Segun sa kadaklan, very untimely ang sinabi ng pangyayari kung kaya padagus na pinagrurumdom asin pinagtatawan ning tribute ngonian ang mga agi-agi kan sarong sports icon bako lang kan mga nakairiba niya sa team kundi maging sa mga nakalaban sa basketball games.

Sa suma total, nagwalat ning dakulang legacy si Kobe bako lang sa mga maahilig sa basketball kundi maging sa mga personang nagsusubaybay kan saiyang career.

Kung ika sa parte kan pamilya ni Bryant, siertong makulog sa boot ang pagmate na mawaran ka nin ginaha o paboritong persona sa dai pinaglalaoman na pangyayari, mantang kaiba pa ang saiyang aki na nagandan man asin anom pang mga persona. Sobra ang pangarap ni Kobe sa saiyang babaeng aki na si Gianna na iyo ang pinaglalaoman na masunod sa saiyang yapak sa ngaran kan basketball, alagad biglang naglaho nin huli kan makangirhat na pangyayari.

Sa positibong pag-analisar, sarong dakulang ondra sa lado kan nabayaan na pamilya nin huli sa overwhelming sympathy kan publiko bako lang sa Amerika maging sa bilog na kinaban. Ang mga memorabilyang winalat kan basketball star dai mababakal nin anuman na kantidad. Yaon ang dakulang pag-apreciar sa mga naging gawe, exemplary individual na nagdara ning dakulang respeto sa saiya asin sa pamilya.

Dakul na mensahe ang pinagwalat nin Kobe. Kabale sa mga popular quotes iyo ang “dream big”. Segun sa saiya tanganing maabot ang pangarap kaipuhan ang magkakanigong atensyon. Meaning maging focus kita sa anuman na pangarap asin tungkusan ang preparasyon, determinasyon asin perseverance. Ang pangarap soboot tanganing marealisar, kaipu ang pag-strive asin ang commitment. Do the best you can or ang hararom na commitment “ Do you best, whatever it takes”!

************

Mantang excited kita sa pagtau ning ondra ki Kobe, masyadong alarmado man ang publiko sa “Novel Corona Virus (NCOV) na naghahale sa Wuhan China.

Ang virus na dai harus kapareho man kan mga international virus na enot ng nagtau ning alarma sato arog kan SARS, H1annd 1, Evola, Merco asin iba pang mga virus na kalaunan naghupa man guiraray.

Pakiulay kan satong mga awtoridad, although masasabing killer virus ini kasi triple soboot ining makusog kumpara sa naunambitan tang mga virus, arog pwedeng mapipreventaran kung mantiniron ta ang proper hygiene.

Kabale digdi ang perming paghugas nin kamot, pag-iwas munang makihalubilo lalo na sa mga suspected personalities, pagtakop ning ngimot kung naghahatsing, pagkaon ning dakul na gulay, pagpakusog sa immune system asin ang suma total, “kalinigan”. Sa gabos na oras.

Gare man sana ini peste sa hayop na minaagi sa mga man laen laen na rason. Kung maheheling mo, sa tsina harus pirang milyon ang papulasyon kung kaya gareng parte nin reduction sa kinaban.

Ang mamundo na parte sana iyo ang pag ban sa mga Chinese nationals na magbisita sa mga nasyon maging saa Pilipinas. Very discriminatory ini sa pagmate kan goviernong Tsina asin mga residentes, alagad nin huli sa precautionary measures, kaipuhan nindang akoon ang realidad tanganing dai na makaulakit pa sa iba.

Sa local scene, sa intrevista niato kan Biyernes, (Jan 31) ki Provincial Health Officer Hazel Palmes, kinumpirma kaining dai pa ning kaso o suspected patients sa Catanduanes maging sa Bicol region. May mga contincy measures soboot na pinagsasagibo ngonian ang LGU Catanduanes sa pangengenot ni Acting Governor Shirley Abundo, arog kan thermal scanning sa mga minalaog na pasahero sa mga port asin airport. Pinagmeeting na man kan LGU Catanduanes ang mga stakeholders down to the barangay tanganing magsaguibo ning medyos na makaiwas sa bagay na ini. Pangapudan ni Palmes, mantiniron ang kalinigan o ang proper hygiene.

Sa positibong pag-analisar, igwa ning positibong epekto ini sa sato asin sa ibang nasyon. Matatawan na naman ning oportunidad ang mga eksperto na mag-imbento ning mga bulong para sa arog kaining mga helang. Chances ini sa mga inventors asin sa mga medical researchers tanganing mapayaman ang saindang kaaraman sa pagrumpag ning arog kaning mga kahelangan.

**********

Ang presyo ning sira (fish) ang mainit na pinag-uurulayan sa Virac. Actually, harus pirang tao na ining reklamo, alagad gare dai natatawan ning pangil ang pinagpandayan na Ordinansa kan nagtalikod na Sangguniang bayan.

Kabale sa mga rason iyo ang “law supply and demand” asin ang dakul na adjustment na nangyari sa presyo ning mga pangenot na barakalon, particular ang langis.

Sa intrevista niato ki Mayor Posoy Sarmiento, sinabi kaini na rason sa meeting kan  mga vendors, masyadong hababa ang pinag-imponir na presyo sa Ordinansa asin harus price at source ini kung kaya napipiritan sindang maglangkaw. Dai soboot dinangog kan SB ang saindang proposed price?

Segun sa alkalde, nasabutan niya soboot ang lado kan mga vendors, alagad pinagpakiulayan niya na kung dai kayang pantayan ang taripa, ano man daw bawasan lamang tanganing bako man masyadong makulog sa bulsa kan mga parabakal. Segun sa saiya, ngonian na maabot na semana, mapababa soboot nin presyo ang mga vendors, alagad kung dai soboot magtupad ang mga vendors sa saindang napag-ulayan mapipiritan siyang ipaimplementar ang taripa asin mahahampang ang mga ini sa magkakanigong penalidad.

Well, may punto man ang mga vendors, alagad dai man pwede ang vendors ang magdikta sa govierno kung gurano ang ipapatupad na presyo.  Segun ki dating kagawd Ding Abichuela na iyo ang proponent kan sinabi ng ordinansa.

Ang pagpromulgar soboot nin presyo pinag balance man yan kan mga SB basado sa boses kan magkaibong na lado sa isinaguibong committee hearing asin basado sa tamang pamresyuhan. Kung bako na soboot suno sa presenting panahon ang presyo, pwede man pag-adalan soboot asin ugidon ang punot dulo kung nata minamahal ang presyo. Saro soboot digdi iyo ang dakul na kamot ang inagihan antes makaabot sa merkado.

Ang satong opinion dyan, dakul nin rasones na itatau ang mga vendors tanganing maging skipgoat ninda asin ma justify ang saindang pagpalangkaw ning presyo. Kung dai na napapanahon, may obligasyon ang SB asin LGU Virac na amiendaran ang presenting rate tanganing makasuno sa tunay na realidad nin presyo. Alagad, in the meantime na dai pa natatapos ang pagpanday, dapat sunudon kung ano ang nasa ordinansa, or else magiging sunod sunudan kita sa pagboot kan mga vendors. Remember, dai kamo sa negosyo niyo kung daing parabakal.  Dai maging one day millionaire.

Advertisement