Halawig na maray ang pagbisita ni Bagyong Bising sa Probinsya ning catanduanes. Ang maswerte kasi nakapag-andam ang publiko asin dai kita ning nanutaran na casualty. Therefore, zero casualty kita sa islang kayganda. Apwera sana kan nalugadan sa banwaan ning Caramoran asin sa banwaan ning Virac na dai man napuruhan.

Kudos sa mga local government units, disaster managers sa amay na pag-anticipar sa arog kaning mga kalamidad. Masasabi tang epektibo ang anticipasyon makalihis ang sarong pangyayari.

Tama so naging amay na “No sailing  policy” ni Mayor Vicente Tayam  sa Gigmoto asin kan lokal na govierno kan proovincia nin huli kan nagtalikod na mga taon, ang Gigmoto ang dakul ning nagadan asin nawarang parasisira.

**************

Finally, nakabalik na sa saindang pwesto ang mga vendors kan Virac Public Market na haloy ng nagpapangadye makalihis na madisplaced nin halawig na panahon dara kan rehabilitation na pinagsaguibo sa merkado.

Sa pagralaog kan mga vendors sa merkado, maresulta tanganing maging malibyano na ang trapiko sa Barangay Concepcion na haloy ng congested asin problematic dara kan temporarementeng pag-okupar sa lugar kan dakul na vendors

Segun ki Mayor Posoy Sarmiento asin Market administrator Andy Po, within this month, maging ang mga nasa dry goods makakabwelta na sa bagong mga pwesto. Intonses, magiging mawaag na ang palibot kan merkado ingkaso dagus ng marealisar ang pagbaralikan kan mga vendors.

Sa mababakanteng pwesto sa may Gogon River, mas magayon makaalokar nin dikit na espasyo para sa paradahan kan mga parasaod maging kan mga tricycle na may ruta sa luwas kan sentro. importante ang parking space sa sarong establisimiento.

Dapat maparikas na man kan Sangguniang Bayan ang market code asin so presyo ning fish and meat tanganing regulated na ang pamresyuhan sa merkado. Or else, magiging hilaw ang appreciation kan nagkakapirang sector kung kapritsu sana kan mga paratinda ang susunudon.

**********

Sa ibong kan dai nangyari ang rekomendsyon kan SP na isairarom sa privatization ang ficelco, positibo si TGP Partylist Congressman Bong Teves sa naging simbag kan National Electrification Administration (NEA) na isairarom sa ibang alternatibo, arog kan joint venture agreement ang pagmanehar kan ficelco.

Segun sa kongresista, anuman ning paagi tanganing pormal ng matuldukan ang problema sa ficelco dapat gibuhon.

Ang hapot, ano ang next move? Matugot daw ang board kan Ficelco na avelaron ang nagkapirang options na itinau kan NEA? Kung iyo, ano ang magiging proseso asin nuarin mangyayari?

Sa ibong na lado, dakulang agyat sa lado kan manihamiento kan FICELCO ang bagong development na ini. Enot ng nagtau ning pagkontra ang manihamiento maging kan mga empleyado sa sinabi ng pagsasapribado.

Nagpapaheling sana na bakong untouchable ang kooperatiba asin anuman na oras posibleng may magiging pagbago ang ihip ng hangin. There is no permanent in this world, except change. Ultimately, ang ano man na magiging pagbabago sa kooperatiba, puros man sana ini  for the betterment  kan padalagan, ultimately pabor sa mga  member consumers sa Catanduanes

**********

“Magpandong mientras na dai na nauranan”. Ini ang termino kan mga gurang na aplikable sa kadabes na igwa ning dapat anticiparan antes pa mangyari ang mga insidente. Meaning, igwa pa kita ning control.

Sa sistema ning panahon ngonian, medyo masakit ng tiwalaan ang forecast kan panahon. Prueba digdi ang epekto kan super typhoon Rolly na ruminapunggas sa satong probinsya asin mga pagtaraed na lugar kan nagtalikod na taon.

Enot na impormasyon sa bagyong Rolly, sa parte kan Pandan asin Cam sur area madalagan ang bagyo, alagad grabe so birik, hinagop ang Capital town kan Catanduanes asin mga pagtaraed na lugar.

Meaning, trahidor na ngonian ang mga bagyo, asin dai na pwedeng tiwalaan ang mga forecast. ANTICIPAR PERMI MGA KAPERYODIKO!

**********

Advertisement