Dakul na mga negosyante sa Metro Manila, ang mina-aray nin huli kan mga lockdowns por medyo sa padagus na pagdakul ning numero kan mga nagiging positibo sa covid sa ibong kan ECQ implementation kan nagtalikod na mga aldaw.

Pakiulay kan mga negosyante, tugutan ng magruluwas ang mga bakunado tanganing magkaigwa ning economic activity.

Sa Catanduanes, biglang nagbungkaras ang 26 na kaso kan Huwebes, petsa 2, kung kaya mantinidong nasa Covid level 3 ang isla.

Anyways, ang mga nangyayaring ini, gare halawig pang panahon ang bubunuon antes na magamay kan mga health officials maging kan mga local officials ang medyos posibles, tanganing rumpagon ang bertud kan covid19.

Nataraka na kita kan bagong variants na nakaabot na sa isla. Ini iyo ang Alpha asin Beta. Maswerte lang kita nin huli ta dai pa nin Delta na mas marikas soboot ang transmission kaini kumpara sa mga dating covid cases.

Sa presente, nasa 37 na ang nagagadan dahil kan covid sa islang kayganda kung kaya, kaipuhan digdi ang magkakanigong measures kung papano maminimisar ang padagus na paglangkaw kan sinabi ng kaso.

**********

Swestyon kung nagkakapira, imbes na mag-concentrate sa mga A2, kung saen dakul digdi ang habo man magpabakuna, ano daw kung isabay na ang mga workers na iyo ang expose sa dakulang posibilidad na tamaan ning covid.

Ang naging mindset pano, makusog soboot ang immune system kan mga huven pa, kung kaya dapat enoton ang mga senior citizens.

Pero, dapat reparuhon man kan mga nagigibong mga reglamento na ang mga trabahantes iyo ang vulnerable asin dakula ang posibilidad  na magiging carrier ning covid sa saindang mga harong.

Maging pribado asin pampublikong trabahantes dapat enoton tanganing maibitaran ang padagus na pagkalat kan covid.

Saro pang dapat kutang ng iapelar ang policy na libreng nakatawid ang mga apor maging mga government apors maski daing RT-PCR test. Ano daw kung i-review ang policy na ini ta gareng dai nasa lohika, Posibleng saro ini sa nagdadara ning peligro sa satong mga habitantes sa probinsya nin Catanduanes kung kaya sige ang dakul ang mga nagiging positibo.

***********

Congratulations sa mga nominado asin mga semi-finalists sa Dangal ng Bayan Award asin Pagasa Award.

Ini sa persona ninda Tourism Officer Carmel Bonifacio-Garcia asin Teacher Sherwayne Manlangit kan Cagraray Elementary School. Regional Winner si Manlangit kan Dangal ng Bayan kairiba ang sarong pang teacher kan Bato Central School na si Madam Febie Soriao. Si manlangit,  pinagrekomendar kan CSC Bicol bilang national nominee kaya nasa semi final na siya.

Good luck sa satong mga Huwarang Trabahantes sa govierno.

********

Ang Sabi kan Comelec, petsa 30 kan Setyembre ang deadline kan mga gustong maging parte kan election sa Mayo 2022.

Importante ini sa satong mga Pilipino, partikular ngonian na nahahampang sa pandemya asin dakul na problema ang Pilipinas. Magpili kita ning mga dedikado asin Honestong mga serbidor, y partikular, mga may kapasidad na magpadalan asin magtumar aksyon sa mga problema kan sociodad basado sa saindang mga pinagpiling pwesto.

Advertisement