Fantastic/Walastic – Pinaglitaniya kan Cua brothers sa saindang inaugural speeches ang challenges asin success stories kan saindang karera sa pulitika sa probinsya nin Catanduanes sa harus maduwa ng dekada.

Poon sa pagiging negosyante, alkalde asin ngonian pareho ng nasa provincial posts.

Si Governor Joseph Cua, nagpoon sa pagiging alkalde, kung saan kaalyado siya kan saro sa mga political genius sa probinsya sa persona ni dating Congressman asin 2-timer Governor Leandro  Buenconsejo Verceles, Jr o bistado sa pagiging Kuya Jun. Eventually, nagkasuwayan sinda nin Partido, durante kan tambudan siya kan tolong political leaders sa persona kan tinagurian kaitong SSS, Santiago, Sanchez asin Sarmiento. During that Congressman Joseph Santiago, Governor Hector Sanchez asin Vice Governor Cesar Sarmiento.

During that time, harus marebok ang pulitika sa isla nin huli kan magkakaibang Partido asin gustong patumbahon ang political power ni Verceles asin nangyari ini sa ikatolo kuta ng termino ni Verceles, durante kan daugon siya kan dating alkalde Joseph Cua.

Si Governor Cua ang nakapatumba kan political career ni Verceles asin dai na siya nakabalik sa political landscape, alagad naging parte si Verceles tanganing daugon man sa ikatolong termino ang karera ni Governor Joseph Cua kan 2013. Harus pinagkasararuan si Cua kan pwersa ninda Verceles, Santiago asin Wong.

Si Governor Cely Wong ang nakadaog ki Cua, alagad dai na nag-re-elect si Cely Wong sa kaparehong pwesto, imbes, ang saiyang aki ang naglaban sa 3 cornered fight sa pag-ultanan ninda Cua, Bong Teves asin JB Wong, kung saen, nakabalik si Cua sa pagiging gobernador asin ngonian, nalagpasan niya ang challenges asin nakua niya ang korona komo nakabalik matapos madaog asin nakua ang ikatolong termino komo gobernador.

Sa saiyang enot na kapangganahan komo gobernador, kabale sa mga naging parte kan saiyang karera sinda dating alkalde Posoy Sarmiento asin Atty. Ramil Tamayo komo mga strategists asin iba pang political leaders tanganing patumbahon si Verceles.

Sa saiyang ikaduwang set makalihis makabalik kan 2016, naging parte man si Verceles sa saiyang ikaduwang termino kan 2019 kontra ki dating congressman Cesar Sarmiento asin sa ikatolong termino kontra kan dating ally na si Vice Governor Shirley Abundo.

Maiuukit na sa political history kan Catanduanes ang kapangganahan kan Cua brothers sa pagiging Bise Gobernador asin Gobernador asin ang overwhelming results na uminabot nin sobra sanggatos mil na boto.

Rear scenario asin rear opportunity ini na dapat malagpasan ninda sa paagui kan tama asin genuine public service, or else, gateway to fail ini sa masunod na election.

Remember, may kasabihan na kung maraming bunga maraming nagkaka-interes na patumbahon. Nasa rurok ng tagumpay na sinda this time asin ang pagmantinir kan sitwasyon na ini ang saros a mga kritikal na sitwasyon.

Kung magiging mauswag asin maisasaayos ang gabos na mga basic services sa probinsya sa paagui kan tamang measures asin balanseng distribution kan government resources o mga mahuras kan govierno, daing tambal ang saindang pagpaimbulog pa sa political landscape sa halawig na panahon.

Ang kaabang-abang kaini sa masunod na election, kung anong mahika ang gigibuhon kan saindang mga kalaban sa pulitika, tanganing patumbahon ang saindang political career. Halawig na panahon dai pigtugutan kan mga Catandunganon ang magtugang, mag-agom, mag-ama sa political landscape ,poon kan Albertos time.

Kung marurumduman ta, palyar ang attempt kan mag-amang Verceles, palyar ang mag-agom na Verceles, palyar ang magtugang na Sarmiento sa pagiging kongresista asin gobernador, alagad premerong estorya, makalihis ang Albertos time na tinugutan kan Catandunganon ang magtugang sa executive asin legislative.

Suma total, nasa kamot ngonian kan Cua brothers and allies ang political power sa probinsya maging ang economic power, komo saro sa pinakadakulang personalities na igwa nin family business sa islang kayganda.

Ang pinag-oofer ninda ngonian iyo ang “Serbisyong No delay asin serbisyong pagtabang”. Kung mapapangatawanan ang arog kaining brand ning serbisyo, bakong harayo na madanay sinda ning halawig na panahon.

Dakula ang posibilidad na mag-elevate si VG Peter Cua sa pagiging gobernador sa maabot na election asin matapos niya ang tolong termino, kung dai ning magiging kontrobersyal na mga issue against sa sainda.

Saro sa naging mitsa kan saindang political triumph iyo ang kaluyahan kan saindang mga nakalaban. Harus, kulang o dai ninda logistical support ang saindang mga nakalaban, sa ibong kan pagiging mga potentials asin kung liwat na magkaigwa ning sanib pwersa ang mga political leaders sa islang kayganda, bakong harayo na posibleng makadaog sa sainda.

Interestingly, nasa saindang mga kamot, ang puturo kan saindang padagus na pagpa-imbulog sa lado politika sa islang kayganda.

(FB EYE BY: FERDIE BRIZO)

Advertisement