FANTASTIC/WALASTIC: Naging matrayumpo ang isinaguibong 5K FUN RUN event kan Catanduanes Bankers Association (CABA) kan nakaaguing Domingo, Agosto 21, 2022 sa Virac Boulevard. Ini ang pinaka-premerong aktibidad kan CABA bilang parte kan saindang 30th founding Anniversary na pinagparticiparan ning dakul an mga bago asin lumang mga fun runners sa islang kayganda.

Ang arog kaining mga events minapromotir nin positibong benepisyo sa mga participantes. Apisar kan wellness promotion, nag-eengganyar man ini nin camaraderie sa mga minasabay sa aktibidad.

Congratulations sa 30th founding Anniversary kan bankers Association sa islang kayganda. Nagdadakul ang numero kan mga bangko sa isla. Meaning, very potential asin viable ang isla sa mga negosyo asin financial transactions. Kabale sa mga bangko niato sa isla iyo ang mga minasunod: Ang duwang government banks; Land Bank of the Philippines (LBP) asin Development Bank of the Philippines (DBP), mga pribadong bangko arog kan Banco De Oro (BDO), Philippine National Bank (PNB), China Bank, Camalig Bank, Legazpi Savings bank, Agri bank,  ARDCI Bank asin ang pinaka-latest iyo ang RCBC.

*************

Sa ibong na lado, good thing sa lado kan patapos ng renovation kan Virac Boulevard, poon Concepcion to San Vicente area,  nagiging sentro na ning mga darakulang sports event ang Virac Boulevard. For sure, sa mga masunod na taon, mas magiging strategic venue pa ini nin darakulang aktibidades sa rason na  dai makadisturbo sa normal na bulos ning trapiko sa sentro laen pa kan masiram na hangin nin huli sa hayupuhop nin dagat.

Inaapreciar ta ang best effort na ginibo ni dating kongresista Cesar Sarmiento na maalokaran ning dakulang budget asin marealisar ang sinabi ng proyekto sa ibong kan dakul ning mga nagkontra kan pinagbuksan ang sinabi ng issue.

In fairness sa mga nag-oponir, may punto man sinda sa concern na preserbaron so parte kan dagat na maheling pa man guiraray so dikit na baybay sa Virac port.

Alagad, saro sa pinaka-obheto kan sinabi ng proyekto iyo na proteksyunan ang seguridad kan mga residente harani sa dagat na iyo ang minasapar ning kahaditan sa kadabes igwa ning kuru-kuso nin pag-uran asin ingkaso igwa ning minaabot na bagyo.

Atleast sa paagui kan sea wall na ini, nabawasan ning dikit ang paghadit kan mga residente, sa ibong kan prone pa man guiararay ini sa mga inconveniencia, pero atleast nabawasan na so grabeng paghadit sa isog ning dagat kadabes na igwa ning maraot na panahon.

Nagiging buhay sa pagkabanggi ang Boulevard asin mas magiging makulay pa ang sinabi ng lugar kung  mamaximize ang potential sa paagui ning mga aktibidades apisar pa kan pagiging business district.

BVOX POPULI VOX DEI: Nabautismohan si Secretary Erwin Tulfo sa saiyang saro sa pinaka-enot na aktibidad komo main honcho kan Department of Social Welfare and Development (DSWD).

Kan nagtalikod na Sabado, Agosto 20, nataraka ang mga Local Chief Executives sa bilog na Pilipinas, durante kan dagsaon nin dakul na mga estudyante ang lugar na pinagdesignar kada probinsya na magiging venue kan ayuda para sa mga estudyante.

Sa Catanduanes, harus dai mahulugang karayom ang Virac Sports Center makalipas na mapano ini kan dakulang numero nin mga estudyante sa paglaom na makakakua ning sanribo sundong kwatro mil de pesos na educational assistance.

Maging sa luwas kan venue, dakul ning nagruso asin naglaom na maabot kan sinabi ng benepisyo dara kan kakulangan ning impormasyon asin kawaran ning magkakanigong Sistema.

Ang mensahe ni Secretary Tulfo pinagpaluwas almost 3 days n asana antes ang distribution asin pangapudan sana ang ginamit sa mga dapat sanang magpasiring sa lugar. Apisar kan saiyang tape statement sa social media nagkrear nin confusion ang saiyang magkakaibang pahayag sa mga interviews.

Ini lang ang obserbasyon ta. Mastermind na ang DSWD personnel pag-abot sa pagtau asin pagmanehar ning  ayuda sa mga habitantes, gare, kulang sa konsultasyon ang bagong sekretaryo sa saiyang mga downlines o mga alipores up to the municipalities na haloy ng kabisado ang arog kaining mga ayuda.

Komo sekretaryo, pinagbigyan ang hilig sa trial and error launching mantang nasakripisyo ang seguridad, pagal, gastos asin inconvenience kan mga estudyante, laen pa so disturbo sa trapiko asin pase orden sa lado kan mga LGUs.

SA ibong na lado, nag I AMSORRY na man si Tulfo sa saiyang blunder na ginibo. Self-infliction ang  sekretaryo asin lesson learned ini sa saiyang sadiri. Two head is better than one. Dai magsunod sa kapritso, kundi magdangog man sa saimong mga alipores na igwa na ning mga expertise pag-abot sa arog kaining mga aktibdad.

Ang pinaka-latest sa statement ni Secretary Tulfo,  by municipality na ang distribusyon kan ayuda. Anyway, dai man ning perpektong persona, ang importante, inako niya na semplang ang saiyang naging lakdang ka nnakaaguing Sabado asin igwa ning gigibuhon na renobasyon asin inobasyon sa magiging ladkang sa mga masunod na aldaw. There is always a second chance. Good luck Mr. Secretary!

EYE IN THE SKY: Mas magayon kung sa amay na panahon magkaigwa ning dayalogo ang ambus lados, sa pag-ultanan ninda Mayor Sammy Laynes, CATSU Management asin Stacaptoda. Tanganing pormal ng matuldukan ang issue sa parking area asin mamantinir ang magayon na bulos ning trapiko, apisar pa na maiwasan ang pagbalyahan ning mga panaramon sa social media na posibleng guikanan ning pagdakula nin problema.

May rason man ang Stacaptoda sa saindang paninindugan na okuparon ang lugar basado sa bendisyon na itinau kan CATSU management. Since na minadependir sinda sa kumpas kan CATSU, its high time na magkaigwa ning dayalogo ang CatSU asin LGU kairiba ang PNP Virac tanganing plantsahon ang sinabi ng issue.

Sa intrevista niato ki Mayor Laynes, dai soboot nagtutupo ang eskedyul ninda President Patrick Azanza. Pero, igwa nin dakul na paagui tanganing madagus ang saindang dayalogo, pwede man virtually yours asin iba pang means tanganing sa mas lalong madaling panahon matuldukan ang issue sa parking space sa tangog kan CatSU. Sabi ngani, SA PAG-URULAY DAKUL NING MAHAHAMAN! (VIA FERDIE BRIZO/FB EYE)

Advertisement