FANTASTIC/WALASTIC: Dakula ang pasasalamat kan mga paratukdo sa initiative ni Vice Governor Peter “Boste” Cua na makapagtau ning pampalubag loob sa mga bayaning guro sa probinsya ning Catanduanes.

Ang saiyang espwersus na makapagtau ning bagas kan siya alkalde pa sa banwaan ning San Andres, ginibo niyang provincewide komo gratipikasyon sa selebrasyon kan Teacher’s month and world teacher’s day kan Oktubre 5. Ang inisyatibo kan VG komo parte kan saiyang mantra na serbisyong “No Delay” o sa simpleng pagtaram, walang kuskos balungos.

**************

Pinagproponir ni Vice Mayor Roy Regalado kan Bato, ang presenting Vice Mayor’s League President sa Catanduanes ang Inter-provincial Basketball at Volleyball tournament komo sa magiging aktibidad ng Vice Mayor’s League sa Bicol Region.

Si Vice Mayor Regalado saros a mga nailihir komo Regional Board of Director kan liga nagsabi na positibo ang response kan saiyang mga pag-iriba.

Mayorementeng obheto kan sinabi ng tournament tanganing magkaigwa ning exposure ang mga parakawat sa  anim na probinsya at mapakusog ang Camaraderi sa mga Bicolano players. Kabale man digdi ang mabuksan ning oportunindad na makapgkawat sa inaapod na “Big Rings”.

Apisar ki VM Regalado, nailihir man board sinda VM Noel Morales kan San Miguel asin VM Juan Velchez, Jr. kan Bagamanoc mantang Secretary General si VM Eric Rodriguez kan Pandan.
Congratulations sa mga regional officers kan VML.

************

BVOX POPULI VOX DEI – Saro sa mayor na problema sa mga barangay sa banwaan ning San Miguel iyo ang kawaran ning sadiring comfort room. Ini ang pinag-aydentipikar kan anim na barangay na kabale sa listahan kan DILG na inaapod na Geographically Isolated and Disadvantage Areas (GIDAS). Sa ginibong Baranggayan sa Bikol na pinapangenotan kan DILG, dakul pa sa mga residente ang walang CR na saro sa basic requirements tanganing mamantinir ang sanitation.

Segun ki Mayor Francisco “Jun” Camano, nagdistribuer na sinda kaito ning mga bowls sa mga residente, alagad dai ning effort tanganing maipatugdok sa dai maaraman na rason. Kadaklan na beses pigalaom pa sa tabang kan govierno.

Sa ginibong barangayan, particular sa Barangay Kilikilihan, nagcommit ang provincial government na pinagrepresentar ni Provincial Administrator Lemuel Surtida na matau nin materiales para sa pagpatugdok kan 14% na household kan sinabi ng barangay. Pinaiisipan pa na ang labor, ilaog sa food for work tanganing mabayadan pa ang pagtrabaho kan pamilya sa pagtugdok kan CR.

Magayon ang naging simbag kan PLGU na matawanan ang mga ini ning bowl pati materiales, alagad, Seguro, so pagtrabaho maging counterpart na kan mga residente tanganing bakong purely doleout ang Sistema. Dai man dapat gabos ilaom kan mga residente ang saindang problema sa govierno.

Iyo man ini ang naging advice ni Dra. Lilian Olfindo sa mga residente kan San Miguel sa mga problemang pinaglatag sa Barangayan sa Bikol. Segun ki Olfindo, dapat na masabotan kan mga residente na nasa palibot sana ninda ang simbag sa kakulangan ning bulong, malnourished asin problema sa salud. Pinagdiscourage kan doctor ang mga pagkaon kan mga processed foods na iyo ang nagiging kawsa nin pagkaraot kan lawas. Ang mga gulay soboot ang kompleto sa sustansya na iyo ang matau ning halawig na buhay sa mga residente.

Ang Barangay sa Bikol kan DILG, dakula ang tabang sa pag-address sa problema nin barangay maging pag-edukar kan mga nanunungdan sa mga residente. Mas magayon kung maduplicate ini sa iba pang mga munisipyo bako sana sa mga npa infested area but sa gabos na mga liblib na lugar na bihira maabot kan serbisyo kan mga ahensya kan govierno.

EYE IN THE SKY: Sa luway-luway na pagbuwelta kan mga aktibidades sa turismo sa Catanduanes, mas marahay na ma-institutionalized ang mga tourism related events na mas pang mapabisto sa Catanduanes.

Saro digdi ang pinaglunsar na Regional Surfing Competition kan LGU Baras sa pangengenot ni Mayor Paolo Teves.

Dakul ng mga players hale sa Baras na nakakabale sa mga national competition asin kung magiging consistent ang mga releted competition mas magiging bihasa ang satong mga players. Si Robert Timbal ang saro sa nabibistong native player kan Catanduanes na nakikipagsabayan sa national competition. Dakul pang arog kaining mga players ang madara sa Catanduanes sa pedestal kung mamantinir ang arog kaning mga events.

Remember, kung maibabalik ang International Surfing competition sa Majestic Wave kan Baras, makakatabang tanganing mailaag ang Catanduanes sa international scene.

Advertisement