Senior Police Officer 1 na nangulog nin 3 bagitong pulis, posibleng mahale sa serbisyo

REGIONAL NEWS
Typography

LEGAZPI CITY - Tinawang doon ni PRO5 Spokesperson Pol. Sr. Insp. Malou Calubaquib na bako imposible na mahale sa serbisyo si SPO1 John S Gomez kan Regional Logistics Division, PRO5 na nakabase sa Office of Regional Chief Directorial Staff kun mapatotoohan na kinulgan kaini an tulong mga Police Officer 1 (PO1) mantang naka-duty sa Camp General Simeon kan nakalihis na aldaw.

Paliwanag kan opisyal, kun magdisidir an mga biktimang sinda PO1 Albert Talagtag Pili, PO1 Michael Bien Amador asin PO1 Hans Chester Dumalaon Belen, anas miyembro kan Public Safety Company na magkaso sa Korte, bako sana grave misconduct an pweding kahampangon ni Gomez kundi ining magresulta sa saiyang pagkakasuspinder, o kaya man dagos na mahale sa trabaho.

Magin an pagrani kaini sa mga nakaduty na mga pulis mantang nasa empluwensiya nin arak an posibleng man na makadugang sa grounds mantang nagpapadagos an imbestigasyon kan Police Regional Office 5 sa insidente.