There is no place like home

FB-EYE
Typography

Komprehensibo ang naging pagtratar kan Sangguniang Panlalawigan katakod kan resolusyon na magtatau nin exemption sa gravel and sand asin limestone quarrying sa probinsya.

Segun kaya sa mga nagkapirang miembros kan SP, gare madedeprive ang mga pribadong Catandunganon maging ang lokal na govierno tanganing maka-avelar kan rekursus naturales na ilalaag sa mga pangenot na proyekto sa paagui nin quarrying kung total ban ang tonada kan house bill 670 na pinagbubusol ni Congressman Cesar Sarmiento, na nasa senado na ngonian makalihis na ini maaprubaran sa kongreso.

Saro lang sa medyo masamok sa obserbasyon kan nagkakapirang sector iyo ang pagkasaramulyo nin issue sa sinabi ng konsultasyon. Isinabay kaya ang issue sa pagpatugdok nin tulay, pati ang paghabol sa house bill 670.

Mas magayon kuta ng pinagtratar muna ang enot na issue sa exemption antes na ang pagtukar sa proyektong tulay. Saro ini sa mga blunders sa sinabi ng dayalogo. Pero ang marhay na resulta dahil naaraman na kan publiko ang obheto kung nata kaipuhan ma-exempt ang limestone and other aggregates.

Meaning, ang mga nagtutulod kan proyektong tulay, dai sinda nin hidden agenda na i-mislead ang publiko. Atleast nagpakatotoo sinda sa tunay na pakay. Sa personal tang opinion, manongod sa tulay, bako man ining imposible kung tatawanan nin atensyon. In fact, marhay na ideya ini asin paborable sa Catanduanes.

Pwede na diyan ipaagui ang mga kable nin kuryente hale sa mainland, pwede maging tourists spot asin dakula ang epekto kani sa ekonomiya asin total development nin probinsya. Segon ki Bishop Delos Santos, as long as dai masasakripisyo ang rekursus naturales daing problema. Ipinagkrear soboot ang mga naturales na ini bako na abushon kundi gamiton nin sa tama sanang paagui.

Kung sabagay, dai man nin gahabo sa arog kaning development kung marerealisar ang tulay, ang kwestyon sana iyo ang inaapod na viability asin possibility sa sarong ambisyusong proyekto.

Segun sa mga obserbador, an gang ipinagmamalaki na kan Catanduanes tanganingg makapagpagtugdok kan expensive bridge? Ang sabi man ni Gobernador Cely Wong, sa ro sana ini sa saiyang mga pangarap. Sabi ngani, malay natin? Ang gabos na bagay naman napoon sa sarong pangarap. Papano kung magkakatotoo?

**********

Ang pagbakasyon sa sadiring probinsya o lugar, ang saro sa mga pangarap kan mga nagtatrabaho sa harayong lugar. Sabi ngani, “there is no place like home”. Saro ang probinsya nin Catanduanes sa mga preskong lugar na marerekomendar pag-abot sa pagiging tuninong.

Kung sa pagheling nin taga ibang lugar, sarong boring ang pagiging tuninong, very relaxing ini sa pag-apreciar kan satong sadiring mga kababayan. Sabi kan iba, aanhon mo ang mauswag na lugar, kung puros garadanan asin man laen laen na krimen ang nairerehistro sa mga blotter reports aro-aldaw.

Saro sigurong isipon sana kan satong mga local na opisyal, iyo ang mga relevanteng aktibidad na mas pang mapakolor sa mga bakasyunista asin mga estranghero bilang entertainment tanganing padagus kitang bisitahon may okasyon man o dai.

Welcome to Catanduanes sa satong mga domestic asin foireign tourists. Welcome back once again sa satong mga kababayan. Enjoy to the max sa satong pagbakasyon.