Pangaturugan

FB-EYE
Typography

“Sa paglaom kita nabubuhay”. Ini ang saro sa mga tataramon na guiding principle kan mga tawong dai nawawaran nin paglaom mientras na nabubuhay.

Pareho man ini sa mga pangaturugan o mga pangarap kan lambang saro poon sa pinakasadit na miyembro kan sociodad asin mga lideres.

Segun sa mga mapangahas na mga Pinoy, “Kung mangarap ka man sana soboot, dakulaon mo na, tanganing kung mahulog man sa bubong mapunta”.

Iyo man ini ang tonada kan pangarap kan satong mga local na opisyal na magkaigwa nin tulay ang Cam sur asin Catanduanes.

Dakulang bentahe kaini sa Bicol Tourism ingkaso marealisar. Partikular na benepisyaryo iyo ang Catanduanes asin Cam sur. Magiging entry asin exit point ang Catanduanes hale sa manila to Caramoan Peninsula vise versa sa paagui nin eroplano nin huli ta magiging madali na ang pagbiyahe pasisiring sa Caramoan na sentro nin Tourism ngonian sa rehiyon.

Sa ibong kaini, ang mga biyaherong Catandunganon mahahale na ang customary schedule kan mga ferry boat kung nuarin sana pwede magbalyo pasisiring sa mainland asin pabalik nin huli ta madakul na ang mga buses asin mabarato ang mga pamasahe. Posibleng madakul na man ang mainvest sa Catanduanes nin huli sa sinabing proyekto.

Kung marurumduman ta, ang circumferential road, naging pangaturugan man ini kan panahon ni former Ambassador Verceles Sr, alagad dakul nin nagtaas kiray nin huli ta kantidad na pwedeng gastuson, alagad sa ngonian, abot kamay tana asin marhay ng mag-joyride sa bilog na probinsya ta harus kadaklan sementado na.

Although, marami pang kakaining bigas sa pangaturugan na ini, alagad, kung luway-luway na mapupunan, igwa nin mangyayari ngapit na panahon.
Magiging kredito man ini asin legacy poon Wong Administration asin Sangguniang Panlalawigan kung mapupunan sa presenting administrasyon sundo na ipagpadagus kan mga masurunod na administrasyon.

Pinagrekunucir na ini kan Regional Development Council asin kung maeendorso ini sa national government asin matawanan nin grant asin funding support, bakong harayonog mangyari. Sa parte kan mga habitants na Catandunganon, mas marhay siguro na ang magiging partisipasyon ta iyo ang mangadye na mangyari sa mas lalong medaling panahon.