|
02 May 2012
LEGAZPI CITY - All set na an nakatalaan na inagurasyon nuudma sa State of the Art Next Generation Doppler Radar sa provincia nin Catanduanes.
Bandang alas 9:00 nuudma, piglalaoman na maabot sa islang parte kan Bato Catanduanes si Presidente Benigno Noynoy Aquino III para pangenotan an sinambit ng inagurasyon.
Sa ginibong last minute briefing, napag-araman gikan sa nagkapirang miyembro kan Presidential Security Group asin Presidential Management services na kabale sa makakaiba kan Presidente an nagkapirang secretaryo gikan sa manlaenlaen na ahensya kan gobyerno.
Piglalaoman man an pag-abot ngonyan kan mga representante gikan sa embahada kan nacion kan Hapon asin an Japan International Cooperation Agency.
Dai man mapahujan si Albay Gov. Joey Salceda asin an mga miyembro kan PAGASA DOST na mainit na sasabaton ni Catanduanes Gov Joseph Cua asin Cong. Sarmiento.
Kasabay kan inagurasyon an seremonial switch - on kan presidente sa duwang hydro power plant kan Soreco.
An sinambit ng Doppler Radar an sarung makabagong ekipahe na may kakayang maditerminar an nabibilog pa sana man na low pressure area, o maging an kusog asin dakol kan uran na mahugpa sa sarung lugar.
Kaya man kaining maaraman kun saen pasiring an masunod na direksyon kan bagyo na dakolang tabang ngani na tulos na maabisuhan an mga kababayang nasa mga piligrosong lugar.
Pigkokonsiderar man ini bilang early warning device na kayang mapenitrate an kaulapan para sa mas marekas na pagdetermina kan masunod na kamugtakan kan panahon.
Maabot man sa 20 mga meteriologist, engineers asin radiologist an sinanay para sa sinambit ng kaenot-enoteng doppler radar system sa Asya.
- 15/05/2012 19:42 - SSS Catanduanes gets Seal of Excellence Award
- 10/05/2012 23:13 - Virac to hold Chess fest
- 10/05/2012 23:12 - DepEd gears up for Brigada Eskwela 2012
- 07/05/2012 21:02 - Militar at NPA, nagka-enkwentro sa Catanduanes
- 07/05/2012 20:57 - PNoy inaugurates Doppler radar, leads power plants switch-on
- 01/05/2012 07:40 - Diskwento Caravan to roll out this summer
- 26/04/2012 22:37 - NSO to update list of establishments
- 26/04/2012 22:34 - Catanduanes college under evaluation
- 26/04/2012 22:33 - DTI sets livelihood forum
- 24/04/2012 20:38 - SSS urges members to avail loan condonation program
