|
10 May 2012
NAGA CITY - Naglalaom ngunyan an grupong Karapatan-Bicol na magkakaigwa nin magayon na kakaabtan an patung-patong na kasong ipigsangat kan Morong 43 sa Deparment of Justice (DoJ) laban ki dating Presidente Gloria Macapagal- Arroyo asin nagkapirang opisyal kan militar asin pulisya.
Sa entribista ki Vince Casilihan kan nasambitang grupo, pinagsabi kaining dakol pa sindang iluluwas na papeles asin ebidensya katakod kan pangtotorture soboot kan mga ini sa Morong 43 kun sain nagkapira digdi an Bikolano.
Nagkapira soboot sa mga bitkima kan nasambitang pang- aabuso an mga doktor, nurse asin midwife kun kaya malabo soboot magpotik an mga ini.
Apwera soboot sa pisikal na pagmamaltrato, nagkapira sa mga nadakop kaedto sa Morong, Rizal an biktima man nin sekswal na pang-aabuso.
Marurumduman na apwera ki CGMA, kaibahan sinda Lt. Gen. Jorge Segovia asin Col. Cristobal Zaragoza kan AFP, Brig. Gen. Aurelio Baladad asin iba pa an kinasuhan nin pagbayolar sa Anti- Torture Act, robbery asin pagbayolar sa Rigths of Arrested Person.
An Karapatan-Bicol an saro sana sa grupong nagtatabang sa miyembros kan Morong 43 na dinakop kan mga otoridad huli man sa pigtutubudang miyembros an mga ini nin New People's Army (NPA).
- 15/05/2012 19:45 - Lotto winner, inireklamo sa pulisya an naghahagad sa saiya nin balato
- 15/05/2012 19:44 - Mag agom asin 1 pa, dakop sa buybust operation sa CamSur
- 10/05/2012 23:18 - Peñafrancia De Mayo, pinunan na sa Naga City
- 10/05/2012 23:17 - Misis, niribay ni mister sa 14-anios na tugang, lalaki naatubang sa kasong abduction
- 10/05/2012 23:17 - 3 NPA na binawian nin buhay sa enkwentro sa Sorsogon, binisto na
- 10/05/2012 23:15 - Aga Muhlach, todo-pamate na sa 2013 elections; esposang si Charlene, kakandidato rin?
- 07/05/2012 21:07 - Bagong pamayo kan 49th IB sa CamNorte, pormal ng nagtukaw sa pwesto
- 07/05/2012 21:06 - Lolo, lugadan makalihis mabangga kan sarong padi sa CamSur
- 07/05/2012 21:05 - Makenista kan tren na naimbuelto sa aksidente sa Candelaria Quezon, kinasuhan na
- 07/05/2012 21:05 - Municipal hall sa Masbate, pinasabugan
