Cashier ng isang tindahan biktima ng snatching

Written by BPNews Team | 24 July 2012

Virac, Catanduanes - Tulala si Sarah Jane Tarin, 22 anyos, dalaga nang maabutan ng pahayagang ito sa Virac MPS habang kinakausap ng imbestigador.

Ayon sa dalaga hinablot umano ang kanyang dalang pera na nagkakahalaga ng 24,000.000 habang papaakyat siya sa second floor ng Virac market dakong alas 11:45 ng umaga upang e-remit ang pera sa kanyang amo.

Isa umanong lalaking naka jacket ng itim, nakasuot ng helmet at naka-shades ang biglang naghablot sa kanyang dalang pera na nakapaloob sa isang plastic.

Hindi umano siya nakasigaw ng saklolo dahil narin sa sobrang takot at ang nasa isip niya maagaw niya ang pera.Marami naman umanng tao ng oras na iyon, kaya lang walang nag tangkang tumulong sa kanya sa pag-aakala ng mga naroon nagbibiro lang siya at magkakilala lang sila ng suspek.

Hindi rin umano sumagi sa isip ng biktima na mangyayari sa kanya dahil sanay niya ng ginagawa ang mga dala ng pera sa kanyang amo.

Ayon naman sa pulisya, maaring tiniktikan ng suspek ang galaw ng biktima bago ito isinagawa ang operasyon.

Patuloy naman iniimbistigahan ng pulisya ang nasabing insidente. Una umano itong naitala sa pulice blotter ang ganitong pang-aagaw ng pera. (MS)