Dakul na sa mga frontliners ngonian ang tinatamaan nin covid-19 sa probinsya nin Catanduanes. Maswerte lang ta mild ang mga sintomas asin dai ning nadadanyaran na buhay.

Kaipuhan ang coordination effort asin measure kung papano maminimisar ang naglalangkaw na naman na numero ning mga positibo sa Isla.

Kaipuhan din ang magkakanigong review ngonian kan mga prosidemiento asin manner ning pag-asekptar ning mga pasyente asin kliyente tanganing maibitaran ang arog kaining sitwasyon. Dobladong pag-iingat asin kompletong pasilidad ang kaipuhan nin huli ta dai ta naheheling ang kalaban.

Nagtutubod ako in the future na magkakaigwa ning siyensya kung papano ma-dedetect deretsu ang carrier ning virus. Gare baga sa pelikula na may color coding na asin determinado na kung sisay ang may bitbit na virus maski harayo pa saimo. In the meantime, ngonian, ang sistema, mga senyales sana muna sa paagui kan body temperature asin scanning, kung kaya bako maray arog kaan ka-epektibo ang screening.

Kadaklan sa mga government officials ngonian, partikular ang mga elected officials dakula ang posibilidad na perming exposed sa arog kaning mga kahelangan. Posibleng may mga sintomas sinda, alagad bako alarmado ta simpleng trangkaso sana man ini. ALagad, since limited ang swab test, pasipara sinda, apisar na harayo pa ang testing centers.

Ngonian, labi kaimportante ang magkakanigong measures kan lokal na govierno kan Catanduanes na makapaglaag na ning testing center mientras na dai pa ning bakuna. Kung madali kutang magpa-swab test asin madaling nakukua ang resulta magiging epektibo ang kampanya nin huli ta abot kamay na.

Ang saro pa digdi, dahil sa haloy ning resultam pendiente kung minsan ang office works nn huli sa paglockdown ning mga opisina, asin kaipuhan.

Lugod, makunsiderar kan DOH ang apllikasyon kan EBMC para sa covid testing center. Napurnada ini durante kan dai makomplayan ang requirements na hinahagad kan DOH na personnel na iyo ang mamanehar kan sinabi ng testing laboratory. Grant kuta ini na nagkakantidad ning more or less 70 million pesos, alagad dai pa determinado kung marerealisar o dai..

**********

Kudos sa DBP sa pagdistrubuer ning maabot sa 3.5 milyon na donasyon sa Catanduanes. Sarama asin natawanan ang gabos na mga munisipyo maging ang probinsya, basado sa extent ning damages kan bagyong Rolly.

Segun sa impormasyon, ang Virac, Baras, Bato asin San Miguel nakaresibi ning 287.500 na kantidad mantang tig 50 mil ang iba pang mga munisipyo. Dakula ang tabang kaini sa mga munisipyo na luway-luway na naghihinguha na maibalik guiraray ang “Sigla kan satong Isla”.

Kung nakatau ang DBP na saro man na government financial institution, mas mas kapabilidad na makatau man ang Land Bank, lalo na kadaklan sa saindang mga kliyente mga government offices. Maraming Thank you sa management kan DBP sa rehiyon 5 and Thank in advance Land Bank.

***************

Perming sibot ang mga hospital kada taon sa pagkua nin lincensya sa DOH. Ang epekto, masakripisyo ang mga pasyente nin huli ta dai man narerenew kaagad ang accreditation sa PhilHealth.

Ang siste, mabayad ning sadiring bulsa ang mga pasyente. O kung pobre sasaguton na sana kan mga hospital ta daing pambayad ang mga pasyente.

Segun sa impormasyon, manpower ang kulang kung nata perming nasa danger zone ang lisensya asin mga accreditation kan mga hospital.

Recurring illness ini kan mga district hospital sa Catanduanes, kung saen pinagmamanehar ini kan provincial government. Segun ki PBM ZAfe, committee chair sa Sangguniang Panlalawigan, kulang ang gainteres mag-aplay sa mga position nin huli ta hababa ang sweldo o kung may ma-apply man dai ning pondo.

Kaipu ang pag-akudir dgdi ni gobernador Joseph Cua, tanganing pormal ng matuldukan ang haloy ng problemang ini. Kadaklan sa mga hospital, alibi nalang asin justification nin huli ta dai kayang kompletaran ang hinahagad na rekisitos kan DOH. Health is wealth!

Advertisement