Sarong hustisya sa mga Catandunganon ang pormal ng pag-usad kan kaso sa mega shabu laboratory na nagdara ning dakulang lugad sa imahen kan isla.

Sa pinakahuring impormasyon, nagsuko na sa NBI ang dating opisyal kan sinabi ng ahensya na si Atty. Eric Isidoro, saro sa ipinagturo kan witness na si Ernesto Tabor, Jr. na may dakulang papel sa pagkaka-establisar kan Shabu lab sa Catanduanes.

Ang hapot, sa pagsuko ni Isidoro, malilinawan ba o mas lalong malabo ang scenario ingkaso magkanta ning ibang tono o suhay sa alegasyon ni Tabor. Kung solo asin daing mga corroborative testimonies maging mga evidences, posibleng maililista sana sa tubig ang kaso ning shabu lab. Mahanap guiraray kita ning ibang ituturo?

Kaipu ngonian nin pusog na ebidensya asin magkakanigong basehan kan witness tanganing ma-pindown ang sisay man akusado. Asin kung dai mapapatunayan, ang hapot, siisay ang nasa likod kan kontrobersiya?

************
Section 26, The state shall guarantee equal access to opportunities for public service and prohibit political dynasties as may be provided by law.

Ini ang eksaktong probisyon sa Constitution na minatau ning mandato sa lado kan legislative department tanganng magpanday ning ley “as may be provided by law” tanganing marealisar ang obheto na mabawalan o maregulate ang equal access, particular sa elective posts.

Sa lado kan civil servants o career positions, ang law on nepotism ang minaregulate kaini kung kaya nakokontrol ang family corporation na opisina.
Mapoporbaran sa kaenot-enoteng pagkakataon sa nacion ang pinakabagong ley manongod sa “Anti-Political Dynasty” sa SK Election ngonian na Mayo 14.

Basado sa bagong reglamento, sa mga makandidatong hubenes (18-24), dapat dai sinda ning kapamilya, by affinity and by consanguinity na nakatukaw sa pwesto.

Segun sa COMELEC, sa laog ning sarong munisipyo o sarong probinsya, kung igwa ning magurang, tugang asin lolo asin lola (up to 2nd degree) na nakatukaw o incumbent dai pwede magkandidato siisay man sa mga ini, apwera na sana kung magkaiba ang munisipyo o probinsya.

Sa puntong ini, malawak ang matatawan ning oportunidad na mga potential leaders, particular sa mga kabataan na iyo ang binansagang pagasa kan banwaan.
Saro ining epektibong measure kan govierno sa paagui kan congress na matawan ning tsansa ang mga potential leaders na mai-showcase ang sadiri.

Kung maging epektibo ini sa lado kan Sangguniang Kabataan, lugod mangyari man ini sa lado kan mga regular posts tanganing pormal ng ma-neutralized ang corruption kung dai man dagus ng marumpag.
***********

Advertisement