This the season to wish one another joy and love and peace. These are my wishes for you, Merry Christmas our dear friends, may you feel the love this special day. May this festive season sparkle and shine, may all of your wishes and dreams come true, and may you feel this happiness all year round. Merry Christmas!
**************
Nasa cloud 9 pa sundo sa ngonian ang mga pInoy, partikular ang mga bicolano sa naging pamasko ni Fil-Australian Catriona Elisa Magnayon Gray makalihis na ideklarang Miss Universe 2018 sa Bangkok Thailand.

Maski mga Australians nagka-klamar asin nagrokyaw sa matrayumpong laban ni Cariona Gray. Masasabi tang unprecedented ang record na ginibo kan bicolana beauty titlist nin huli ta ini ang pinakapremerong Miss Universe title na nakua kan Bicol. Ang ina ni Catriona, tubong Oas, Albay mantang sarong Australian ang saiyang ama.

Kung proud ang mga Bicolano, mas orgolyo an mga Albayano sa ondrang dara kan Daragang Magayon, kung saen, planong tawan ning homecoming sa mga maabot na aldaw, ingkaso aprubaran ang request ni Gobernador Al Francis Bichara. Sa pinakapremerong pag-uli kan Ms Universe sa nasyon kan Miyerkoles, harus nagdurar sana ning duwang aldaw sa Pinas nin huli ta masyadong hectic na ang schedule sa mga appearances asin guestings sa ibang bansa, plus pa ang magiging papel kaini sa mga especial na mission para sa Miss Universe Organization (MUO) charity works.

Gabos na mga naging Ms U kan Pinas nagsabi na talagang daing duda ang kapangganahan ni Catriona, partikular ang saiyang performance kairiba na ang saiyang mga kasimbagan sa Q and A portion asin sa mga costumes na saiyang pinagbalandra sa Ms U competition. Saro sa nagtau ning dakulang attention iyo ang saiyang “lava walk” asin ang winning gown na mustra o pinagbase sa “Lava flow” kan bulkan Mayon.
**************

Advertisement