CONGRATULATIONS! sa bagong pamayo kan Catanduanes State University (CatSU) na si Dr. Patrick Alain T. Azanza.

            Nin huli sa saiyang experiencia asin dakul na credentials kung kaya siya ang pinagnumbraran kan mga miyembro kan Board of Regents na maging pamayo kan unikong unibersidad sa Catanduanes.

            Sa saiyang pagtukaw, dakula ang magiging expectation sa saiyang administrasyon tanganing mas pang madara ang eskwelahan sa pedestal, bako lang sa nasyon kundi sa bilog na kinaban.

            Eksaktong na-appoint ang bagong presidente kan CatSU kan petsa 24 mantang ang datng Presidente kan nasyon na iyo ang nagpirma tanganing maging unibersidad ang eskwelahan nagpaaram man sa kinaban na si Pnoy.

            Sa intrevista niato ki President Azanza, nagpahayag ini nin makusog na boses kontra sa kurapsyon sa mga proyekto asin palakasan system sa lado kan hiring ning mga empleyado.

            Pinaglitaniya pa kaini ang saiyang mga parayoridad sa saiyang pagtukaw, arog kan pag-introducir nin maritime courses, agricultural aspect arog kan pagtabang sa produksyon asin by-products kan Abaca asin lasa na kabale sa mga popular na produkto kan Catanduanes at dakul pang iba.

Dai niya soboot tutugutan ang ano man na kurapsyon sa mga proyekto sa saiyang administrasyon kabale na ang paghale sa customary practice na palakasan system, partikular sa hiring kan mga empleyado.

Magiging base soboot sa qualipikasyon asin competence ang mga iaappoint na mga empleyado, poon sa taas sundo sa lowly employees.

            Well, good gesture ini ning pagiging sinsero asin seryuso sa serbisyo. Lugod matupad ang saimong mga aspirasyon tanganing mas pang maging mahiwas ang matatabangan na mga estudyante kan Catsu in terms of education.

            Good Luck Mr. President Azanza! Welcome back sa CatSU.

*************

Dai pabor si Gobernador Joseph Cua maging ang Provincial Health Office sa rekomendasyon kan Catanduanes Medical Society (CMS) na isairarom guiraray sa Enhanced Community Quarantine (ECQ) ang provincial nin Catanduanes.

Segun sa gobernador, dakul ning dapat na ikunsiderar kung liwat na masairarom sa ECQ nin huli ta isasairarom sa lockdown  ang probinsya na dakula ang magiging epekto sa ekonomiya, partikular sa magiging damage sa bulsa kan mga LGU tanganing tawanan ning ayuda ang mga residente.

Ang suwestyon kan gobernador maging ni Provincial Health Officer Hazel Palmes, mahigot na ipautob ang minimum health protocols kan mga alkalde down to the barangays. Saro sa mga spreader soboot kan virus iyo ang public market. Nanutaran na harus nagiging normal na soboot ang sitwasyon sa mga merkado asin dai na namamantinir ang social distancing, tamang pagsulog ning facemask ang mga protocols.

Saro pang remedy kan gobernador iyo ang pagbakal ning testing facility, arog kan antigen test, na ilalaag sa Tabaco asin digdi sa probinsya.

So far, balido man ang rason kan gobernador asin kan health department. Actually, iyo man ini ang sintimiento kan nagkakapirang mga alkalde, arog ki Mayor Posoy Sarmiento kan Virac asin Mayor Johnny Roduldo kan Bato na nagresist man kan ECQ sa rason na dai kakayanun kan pondo ang ayudang itatau sa mga residente kung magkakaigwa liwat nin lockdown.

Strict health implementation kan health protocols soboot ang pinakamabisa asin kooperasyon kan publiko.

***********

Mientrastanto, may  rekomendasyon man ang Economic cluster manongod sa pagmaneobra kan covid19 sa Catanduanes na pirmado ni Mr. Andro Facundo basado sa saindang joint caucus.

1. UPGRADING of the community quarantine classification from MGCQ to GCQ for at least 14 days;

2. HOME-BASED ISOLATION/LOCKDOWN of households receiving returning citizens (based on Par. (D) (😎 of IATF Reso No. 118-A);

3. RE-GROUPING of the composition of the IMT, the EOC & the Response Clusters, including that of the Vax Operations Center (VOC) & the Vax Cluster in accordance w/ the structure mandated under the NAP, the Phil. Nat’l. Deployment & Vax Plan for COVID-19 & the DILG MC No. 2021-007.

Medyo, reasonable ang sinabi ng rekomendasyon asin mas magayon pag-adalan ang arog kaning mga lakdang tanganing ikunsiderar sa epektibong pagrumpag kan covid19 sa Catanduanes.

**************

Nakikidumamay kita sa pagkagadan kan ika-115 Presidente kan Pilipinas na si Benigno Aquino III, known as Pnoy.

Sa edad na 61, masyadong amay pa tanganing magpaaram sa kinaban, partikular sa naging lider kan nasyon na dakula ang maitatabang sa possible advice o wisdom kan bagong henerasyon sa pagpadalagan sa renda ning govierno.

Sa saiyang pagpaaram sa kinaban, dakul ning nabuksan na magagayon na noticia na masasabing legacy sa saiyang administrasyon.

Advertisement