FANTASTIC/WALASTIC: Kudos sa pursigidong higus kan Team Provincial Health office asin kan DOH katakod kan saindang massive booster dose sa bilog na probinsya. Katakod ini kan PinasLakas na pinaglansar kan DOH sa obhetong matawanan ning libreng protection ang mga residnte sa islang kayganda.
Segun ki Dr. Robert John Aquino, singkwenta mil ang saindang target tanganing dagus ng manormalize ang sitwasyon sa isla sa paagui ning pagtanggal na ning mask ngonian na Oktubre.
Halos sinuyod kan grupo ang mga business establishments sundo sa mga pinakararayong lugar sa isla. Sa pagiginig consistent and persistent burning desire kan grupo ninda Dr. Hazel Palmes and Dr. Robert John Aquino, sure na masisimbagan ang target bago pa ang deadline sa Oktubre.
Kudos sa team Catanduanes!
*******
Congratulations sa TESDA sa pangengenot ni Provincial Director Arcangel Rodriguez sa saindang ika-28 founding anniversary. Ang saindang pilot school na Cabugao School of Handicraft and Cottage Industry sa pangengenot ni Sir Pids Tuboro.
Masasabi tang, saro sa mga produktibong ahensya kan govierno iyo ang TESDA, na nagbukas sa dakul na mga habitantes na magkaigwa ning skills o kaaraman sa paagui kan saindang mga training programs.
Ang magkaigwa ning National Certification makalihis ang hands-on training program nagtau ning dakulang oportunidad sa mga dati ng skilled workers sa mga barangay asin nagbukas sa mga neophyte individuals, particular ang mga out-of-school youth na madagdagan ang kaaraman asin mabuksan ang oportunidad na magkaigwa ning educational attainment.
Kadaklan sa mga natatawan ning National Certification nabubuksan ang oportunidad sa ibang bansa asin nagkakaigwa ning trabaho sa saindang mga barangay. Kudos sa TESDA
BVOX POPULI VOX DEI: Dinangog kan DSWD ang agrangay nin publiko sa nangyaring semplang na Sistema kan pagbariwas ning ayuda sa mga estudyante kan nagtalikod na petsa 20 kan Agosoto. Kaining nagtalikod na ikaduwang Sabado, nagkaigwa na ning Sistema sa paagui kan clustering.
Kung tutuuson, magiging epektibong maray ang arog kaining mga pananau nin mihuras kung igwa ning kolaborasyon ang mga ahensya de govierno na igwa na ning existing mandate. Ang datus manongod sa mga personang nasa crisis situation yaon na ang record sa lado kan mga MSWD sa kada munisipyo na igwa ning lisensya sa pag-aydentipikar kan economic status sa saindang mga munisipyo. Igwa man sa Philippine Statistics Authority asin iba pang ahensya de govierno na igwa ning mandato sa arog kaining mga sitwasyon.
Ang pagpapila asin pagrehistro sa internet makrear sana ning dakul na komplikasyon. Ang DSWD mismo, haloy ng igwa nin arog kaining datus. Ang hapot, nata kaipuhan pang palaomon ang mga estudyante?
Saro pang punto, sure ba ang govierno na mapupunta sa tamang puntahan ang ayuda na itinau sa mga ini? O Baka maibakal nin cellphone asin iba pang material na pangangaipo asin bako sa tunay na piga-expect kan govierno, nin huli ta purely dependent pa ang mga ini sa magurang. Nata ta bako sa magurang o mga guardians na iyo ang ga budget sa pangangaipo kan mga estudyante?
Aram ta na mandato kan DSWD ang pananau nin arog kaining mga ayuda, alagad, ang pakiulay ta, so tamang Sistema tanganing dsai magkrear nin inhustisya sa iba.
EYE INI THE SKY: Pinaglinaw kan FEDVITODA officers, particular ang mga nasa downtown area na may legal na basehan ang saindang paniningil ning 15-20 pesos na pamasahe sa sentro.
Segun ki FEDVITODA President Andy Magana, dai ning bagong pinagpapaluwas na direktiba ang LGU Virac, kung kaya ang dating executive order na pinaluwas kan Marso ni dating alkalde Posoy Sarmiento ang saindang pinagbabasehan. Willing man soboot sinda magsunod kung ano ang magiging bagong taripa basado sa magigng decision kan Sangguniang Bayan asin opisina kan alkalde.
Sa intrevista niato ki Committee chair Hazel Isidoro, sinabi kaining masagibo sinda ning pagdangog sa bagay na ini sa mga masunod na aldaw, nin huli sa reklamong nakakaabot sa saindang opisina, particular kan mga estudyante na derektamenteng nakakamate ning gabat ning pamasahe.
Mientranstanto, magkakanigo ng aktuwaran ini kan SB asin kan Chief Executive nin huli ta dakul na ang mga pasahero sa Virac, particular na nagpoon na ang face to face classes. Ang disenyo kan pamasahe ngonian dara kan kakulangan ning pasahero asin epekto kan restriction kung kaya, dapat ng ikunsiderar ang pagbawas ning rate tanganing mabawasan man ang burden kan riding public.
Calling the attention of the Sangguniang Bayan of Virac or the Local Government Unit, in particular. (Ferdie M. Brizo)
