Klarado sa mga interviews niato sa mga sports officials kan DepEd n na naging partisipante sa Naga City na “kulang sa training” ang satong mga atleta kung kaya, liwat na naman kitang kinapos na makaharani sa mga delegasyon na nagkamal ning dakul na medalya.
Sa sarong interview, satong naisuwestyon ang pag-establisar ning Sports Academy. Segun ki Mam Jean Romero, saro ini sa saiyang pangaturugan na mawot niyang mangyari tanganing matutukan ang training tanganing bako sana sa kadabes na maralaban mapreparar kundi whole year round ang preparasyon.
Komporme man digdi ang mga coaches, trainors maging sa interview ta ki Mr. Nelson Sicio na haloy ng nagmamanihar sa swimming event kan Catanduanes. Segun sa saiya, dakula ang potential kan Catanduanes, lalo pa uya man makukua ang 60 medals sa swimming event.
Sa pinakahuring Palarong Bicol, swimming event ang nagdara ning medalyang bulawan sa Catanduanes asin uya man nakua ang unikong gold medal sa paagui ni John Carlo Cuadro kan Bato Rural Development High School. Apisar kan gold na nasungkit ni Cuadro, saiya man hale ang apat pang medalyang bronze.
Congratulations ki John sa saimong espwersus asin dakula ining ondra na naidara mo sa Catanduanes. Lugod maging giya ini kan satong mga sports officials na mas tutukan ta ang individual events. Enot, mas makakatipid kita sa ipapadarang delegasyon asin kadaklan sa mga ini automatic final events.
Dai ta man pinagdidiscourage na pondohon na ang mga ball games na dakul na players ang kaipu, alagad mas tawan ning importancia ang individual events na madali ang mathematics sa pagbilang ning medalya. Remember, nasa isla kita, kung saen dakul sa mga kaakian niato tatau maglangoy, the more na kita ang dapat kampeon sa sinabi ng event.
Anyway, dai man madadara ang mga bagay na ini sa overnight na kamas-kamas, pero ang importante, aram ta ang satong problema asin aram ta ang solusyon.
Sa sinabi ng problema, dakula ang papel kan local na govierno kan Catanduanes sa pangengenot ni Gobernador Joseph Cua. Ang pag-establisar ning sarong sports academy gakaipu ning legislation hale sa hunta provincia asin sa political will kan govierno provincial. Kung marerealisar ini, mas harani ang satong tsansa na masiguro ang satong laban sa kadabes na igwa nin palaro.
Sabi ni Mr Sicio, our player really done their best, but their best wasn’t good enough nin huli sa mga factors. Asin saro sa dakulaon na factor ang kakulangan sa practice. Sa ibang provincia grabe ang suporta kan govierno provincial, particular sa sports academy, bako lang sa panahon nin laban, kundi sa halawig na preparasyon.
As the saying goes, practice makes perfect. Kaya lang bako kita sa oras ning ralaban kan palarong bicol mag-practice.
************
Desperado so ibang partisipante niato sa naging laban sa basketball games both elementary asin seconday, boys and girls. Nin huli ini sa mga milagrong nangyari nag are nabahidan ning kontrobersiya nin huli sa poor asin very partial officiating kan nagkakapirang mga referees.
Sarong glaring na nangyari na pwede nindong helingon giraray ang nakapost sa wall kan Bicol peryodikotv sa facebook courtesy kan Naga City smiles. Ang kawat sa secondary. Enot na reklamo, kan premerong arangkada sa enot na quarter kan laban, inulaan nin tubig ang tampad kan bench kan Naga City delegation nin huli ta na-injured ang sarong player. Ang punto tanganing madelay ang kawat asin matawan nin halawig na pahingalo ang mga players kan naga.
Ikaduwang blunder kan mahabol kan Catanduanes ang lampas sa 20 kalamangan kan Naga asin sa last 12 seconds, saro nalang ang abante asin digdi nagluwas ang pagiging bias kan sarong referee na nagtawag ning flagrant foul kontra sa player kan Catanduanes. Intonses, tinawan ning duwang free throws ang Naga asin sainda pa ang bola kung kaya nakabawi sa 3 points ang Naga. Bola pa ning naga makalihis na makalaog ang duwang free throw asin digdi naubusan nin oras ang Catanduanes.
Sa intrevista niato ki Principal Fidel Vegim, pinagsaysay kaini na under protest ang sinabi ng kawat, alagad sobra sa mga standard na policy ang mga naging requirements kan tournament incharge kung kaya grabe ang saindang pagkadisperar sa naging laban. Sabi kan beteranong palarong Bicol asin palarong Pambansa tournament incharge asin dating coach asin trainor sa halawig ng panahon sa Catanduanes delegation, this is the worst and lousiest ever nap ag-officiate nin kawat sa basketball sa naga City.
Sana mareparo ini kan DepEd Regional Office asin matawanan ning magkakanigong sanction ang mga personang naglapastangan kan arog kaning karawat. Dai kita nagmamagaling sa Catanduanes, alagad dapat patas sana man ang labanan. Sana maidara ang mga deperensyang ini sa proper forum tanganing dai na maulit ang arog kaining sitwasyon. Remember, during the semifinals nangyari ang sinabi ng mga sitwasyon.
