Personal ng nag-aparecir si Mayor Posoy Sarmiento sa Sangguniang Bayan tanganing tukaron ang detalye kan nakatalaan na pagbubukas kan merkado publiko ngonian na Pebrero.
Antes kani, igwa nang pinagkunducir man na dayalogo sa lado kan mga vendors na ma-ukupar sa mga pwesto, partikular sa wet asin semi-wet section kan merkado na makukua sa ground floor.
Labi-labi ang kaogmahan kan mga vendors sa dagus ng pag-usad tanganing mabuksan asin maika-kulukar na sinda sa lugar makalihis ang maabot sa sarong dekada ng paghahalat.
Medyo, dakul sanang nalangkag na mga obserbador sa gare usad-pagong na patrabaho sa merkado.
****************
Good start sa lado kan Executive asin legislative kan probinsya ning Catanduanes ang ginibong report sa bayan ni governor Joseph C. Cua kan 3rd regular session kan Sangguniang Panlalawigan
Atleast, sa paagui kan saiyang espwersus nagkaigwa ning ideya ang co-qual branch kung ano ang tunay na estado kan probinsya, partikular ang issue sa on-going na distribusyon kan mga ayuda guikan sa man laen laen na ahensya de govierno maging mga individual.
Ang pag-aparisir kan gobernador sa SP, bako sana ta required kan local government code, alagad gesture nin openness sa magiging kooperasyon kan SP sa mga dapat aktwaran thru legislation.
Saros a pinagtumbok kan gobernadora na kaipuhan nin legislative action ang standardization kan specification sa mga edipisyo o estraktura na maging typhoon proof.
Actually, ang bagay na ini, dapat trabaho kan mga point person kan gobernador sa paagui kan mga department heads, partikular sa Provincial Engineering Office in consultation with the Department of Public Works and Highway (DPWH).
Positibo digdi ang simbag ni Bise Gobernador Shirley Abundo asin pinagrefer niya ang bola kaini sa lado kan committee on infrastructure asin sa Provincial Engineering tanganing makapagdisenyo nin magkakanigong instraktura na matupo sa kusog ning makukusog na duros dahil sa new normal kan mga bagyo.
Pinag-expresar man kan Bise Gobernador ang bilog na suporta kan SP na sabi niya, one text and call away, yaon sinda sa pagresponde tanganing suportahan ang mga priorities kan gobernador. Pinagpasaringan kaini ang mga personang minakrear ning gap sa marhay na relasyon kan duwang opisyal.
Sa post kan saiyang esposo, pinaglinaw na intact soboot ang 2019 na tamang timpla. Ini ang alyansa ninda Gov. Cua, Cong Sanchez asin Vic Gov. Abundo.
Pirang bulan na sana, harani na ang election. Ang hapot, kung intact ang Tamang Timpla, siisay ang magiging alternatibong political group ang mabangga sa champion trio kan 2019 elections?
That’s remain to be seen.
*************
Sa impormasyon kan gobernador, uminabot na sa 47 milyon ang kantidad kan naresibing cash donations. Sa resolution kaito kan Sangguniang Panlalawigan na pinag-aprubar basado sa proposal kan Provincial Disaster Management Council, ibabakal ini nin yero tanganing simbagan ang mga pamilya na pinagrapunggas kan bagyo.
Dakul pang naghahalat sa ngonian kung nuarin maitatau sa sainda ang haloy ng pinaghahalat. Sa report kan gobernador 12 mil na ang naibabariwas na yero.
Kung dose mil pa sana, meaning, kung tisarampulo ang kada household, nasa 1200 pa sana ang nabibiyayaan kan ayuda. Alagad sa report, more or less nasa 16,000 ang totally damage kan bagyo. Kung ang DSWD igwa ng natawanan nin 5,231, kulang pa sa kabanga ang natatawanan sa mga totally damage.
Saro ining immediate measures na dapat tungkusan kan probinsya sa mas lalong madaling panahon. Dakul pang nag-aagrangay ning ayuda na sana sa mabilis na purchases asin distribution maitau kan administrasyon ni gobernador Cua.
Sa satong intrevista ki PBM Edwin Tanael makalihis ang bagyo, sinabi niyang, tinawan ninda sa SP ning blanket authority ang gobernador tanganing imediatamenteng tungkusan kung ano ang kaipuhan kan mga residente sa paagui kan provincial government resources.
Sa heling ko, dapat maghanap ning pondo asin bako sana malaom kita sa ayuda tanganing pormalmenteng maresulviran ang problema sa isla dahil kan bagyo.
