Naga City – Pasok sa top 20 official candidates ng Miss Bicolandia 2022 ang dalawang title holders ng Bb. Catanduanes 2022.
Ito ay sina Ms. Claudine Timola , 25 taong gulang, tubong Baras, Catanduanes, Binibining Catanduanes 2021 at si Ms. Rosalexi Isidoro , 19 taong gulang, tubong Virac at Binibining Catandungan Festival Queen 2021 at dating Mutya ng Virac 2019.
Nitong Agosto 28, 2022, simula alas 6 ng gabi isinagawa ang public presentation ng 20 opisyal na kandidata ng Miss Bicolandia 2022 na idinaos sa Robinsons Naga City na nilahukan ng mga naggagandahang mga binibini mula sa iba’t ibang lalawigan ng region 5.
Mula sa 42 mga aplikante, 35 rito ang napasama sa public appearance at maswerteng nakapasok ang dalawang pambato ng Catanduanes na sina Isidoro bilang candidate no. 17 at candidate no. 28 naman si Claudine Timola.
Samantala, ang 20 kandidata ay magiging visible sa lahat na mga aktibidad ng Peñafrancia Festival ngayong Setyembre 2022.
Sa September 3 gaganapin ang swimsuit competition samantalang ang gown competition ay gaganapin sa Vista Mall, Naga city at sa September 7 ang Coronation Night sa Jessie M. Robredo Coliseum.
Lubos naman ang naging kasiyahan at pasasalamat ng dalawang kandidata matapos sabay na makapasok sa top 20 official candidates. Ipinaabot naman ng mga Catandunganon ang mainit na pagbati sa dalawang naggagandahan dilag at umaasang makukuha ng isa sa kanila ang prestihiyusong titulo bilang Miss Bicolandia 2022.
Matatandaang, dalawang taon ding hindi nakapagsagawa ng naturang pageant ang lungsod ng Naga dahil sa restriction dala ng covid-19.
Narito ang listahan ng top 20 official candidates:
Candidate 11 Mary Denise Alexandre G. Nueva | Bula, Camarines Sur
Candidate 31 Sandip Kater | Iriga City, Camarines Sur
Candidate 14 Trixia Jorgia P. Aganan | Sorsogon
Candidate 26 Kazzandra Seton | Siruma, Camarines Sur
Candidate 25 Margarette Briton | Tabaco City, Albay
Candidate 7 Elaine D. Decano | Labo, Camarines Norte
Candidate 16 Jeanette L. Reyes | Pasacao, Camarines Sur
Candidate 1 Ma. Alexa N. Garcia | Polangui, Albay
Candidate 19 Mary Joy A. Darilay | Naga City, Camarines Sur
Candidate 27 Reinsfer Khrizette Ranara | Naga City, Camarines Sur
Candidate 29 Rheema Adakkoden | Naga City, Camarines Sur
Candidate 21 Reynaleen D. Praferosa | Naga City, Camarines Sur
Candidate 28 Claudine Timola | Baras, Catanduanes
Candidate 6 Iris I. Oresca | Naga City, Camarines Sur
Candidate 23 Princess Joy Plotado | Baao, Camarines Sur
Candidate 22 Dara Sofia Cartujano | Naga City, Camarines Sur
Candidate 18 Jeanne Isabelle Bilasano | Malilipot, Albay
Candidate 17 Rosalexi B. Isidoro | Virac, Catanduanes
Candidate 8 Jannel Mendee Calleja | Sorsogon
Candidate 13 Janine T. Ahmad | Mercedes, Camarines Norte
#AngatAnGayon #MissBicolandia2022 #Peñafrancia2022 #NagaNagaNaga
Via Miss Bicolandia 2022 page
