Saro sa plano kan kapitolyo sa pangengenot ni Acting Governor Shirley Abundo iyo na guibuhon na farm tourism ang mga espasyo na haloy ng nakatiwangwang.
Segun sa impormasyon, Farmville ang proposal kan Provincial Tourism Office, kung saen target na maging plantation ning abaca, flowers asin iba pang mga attractive plants ang nagkapirang areas kan kapitolyo.
Enot ining pinagtawan doon ni Acting Governor Abundo durante kan inaugural session kan SP. Segun sa saiya, potential ang sinabi ng lugar asin mawot niyang mapakinabangan ang mga bakanteng lote kan lokal na govierno.
Maidagdag ta, apisar kan farm tourism, sarong attraction din ang kapitolyo kung papakarhayon ang atubangan. Kung maoobserbaran niato, igwa dyan nin playground sa hampang kan hall of justice na pwedeng pagayunon bilang parke. Kaipuhan lang ning plano para sa landscaping tanganing mamaximize ang potentials.
**********
Nagiging trending ang kadaklan sa mga bagong programa kan lokal na govierno kan Manila sa pangengenot ni Mayor Isko Moreno.
Kung maoobserbaran mo, harus logical thinking lang ang saiyang pinagsasaguibo asin bakong komplikado. Komo ama kan Manila, siya mismo ang derektamenteng nakakamate kan pangangaipo nin tawo.
KSP ang diskarte ni Mayor Isko nin huli sa paggamit niya ning social media, alagad para sako relevante ini bilang millennial leader. Ang marhay ngonian ta libre na ang social media kung gusto mo pagpasikat sa bilog na kinaban.
Ang kada pagluwas ni Mayor Isko sa saiyang opisina asin sa kada pagsaguibo ning mga pagsitar kabale na ang monitoring, launching ning mga proyekto asin programa, namamate kan mga habitantes ang saiyang pagiging aktibong lider. Dai na kaipuhan ning memorandum, kundi ang saiyang kimas sarong manifestation nin ngipon na minatau nin giya kung anong klaseng panggogovierno ang saiyang pigamustra.
Anyway, masasabotan ta si Isko sa saiyang pagiging puguso sa mga delikadong operation nin huli ta relevante ang saiyang pinagsasaguibo. Ultamemente, aram niya ang saiyang trabaho.
Igwa ning mga banggi na pigamonitor niya mismo ang mga law enforcers, mga traffic officers, maging ang mga hospital kung ano ang tratamiento sa mga pasyente. Apisar na nalinigan ang mga pangenot na dating congested na lugar, pnagbubuhay niya ang mga parke na haloy ng ginibong basurahan asin paglaag ning libreng wifi sa mga ini.
Kung ano si Yorme Isko ngonian, dara ini kan saiyang halawig ng ekperiyensya sa public office asin ang pagiging dedikado sa trabaho. Apisar kan saiyang pagiging hale sa pobre, nasasabotan niya ang basic needs kan tawo asin ang importante saiya, pag-inisip asin namate niya, imediatementeng pinagsasaguibo niya without any hesitations.
Suma total, ang pinagpapamate ni Yorme Isko, sarong “COMMONSE SENSE GOVERNMENT” dahil saro siyang Mayor with common sense.
Sa Catanduanes, gare dai pa akong naoobserbaran na mga bagong lideres na may “Mustrang Yorme Isko”. Harus saro may kabangang bulan na, gare dai pa kitang namamatean na surprising new breed of leaders particular sa mga bagong alkalde na gasunod sa yapak kan alkalde kan Manila City.
Ang hapot, sundo nuarin mamamatean kan publiko ang arog kaining Sistema ning panggogovierno na namamate mo na igwa ning nagmamakulog na govierno sa palibot mo.
Nagkapira sa mga alkalde niato, ang siste, makonsulta muna daa sa mga sektores antes na magpaimplelmentar ning mga programa asin proyekto? Ganun? Di ba nindo inisip ini durante kan kamo gakampanya asin gaplano pa sana na maglutsada? Di ba kamo nagplano kung ano ang namamate niyo personal asin naoobserbaran nindo personal?
Ang govierno igwa ning pinag-aapod na police power. Kung ano sa pagheling kan govierno tama asin basado sa ley, dai na kaipu ang pagkonsulta, particular kung igwa kita ning common sense.
Sa mga bagong lideres, ini ang saindong oportunidad tanganing magpamate kan saindong presensya asin kapasidad. Kung dai nin magiging bago sa saindong panggogovierno, ngonian pa sana mahalat na naman kita ning tolong taon tanganing maghanap ning mga bagong lideres.
Dai dapat maging reactive, kundi dapat kamo maging pro-active. Dapat advance kamo mag-isip asin bako dapat makupad nin huli ta diyan kamo pinagbabayadan. Ang pigaisip ning publiko dapat naeenotan niyo tanganing biliban kamo.