Generally peaceful asin orderly soboot PIRILIAN 2022  sa Bicol Region, segun ki Comelec Asst. Regional Director Annie Cortes.

Segun sa saiya, although, igwa ning aberya sa mga VCM asin pagkakaraot kan SD Card, bakong dakula ang numero kumpara sa nakalipas na mga elections. Maging ang PNP, nagpasalamat man sa kooperasyon kan man laen laen na sector particular ng operatiba kan PNP na nagpagal tanganing mamantinir ang pase orden sa bilog na isla maging sa bilog na rehiyon.

Kudos sa Comelec asin mga deputized agents.

********

Nagkaigwa ning amor propio ang mga Bikolanos ki Vice President Leni Robredo. Sobra sa 2.2 milyon ang nakuang boto, asin ang saiyang lugar na Cam sur ang pinakadakulang numero na maabot sa 900k, mantang sa iba pang parte kan rehiyon, puros siya gana, apwera kan Masbate na halos dikit so baya ki BBM.

Sa ibong kaini, napatunayan kan mga Bikolano na igwa kita ning simpatiya sa kapwa sa Bicolano kung napapalaban. Malay niato, good start ini sa mga bikolano na talagang mag-ambisyon man na magkaigwa kita nin opisyal sa Malakanyang na mamanihar kan renda kan goveirno, arog kan mga taga ibang rehiyon.

Kung pagbabasehan ang unofficial results, abuton sa kulang-kulang 15M ang nakua ni Robredo sa bilog na nasyon. Maabot sa kinseng mga lugar sa Pinas ang nagpagana ki Robredo, alagad, ang mamundo ta more or less 595 ang mga presinto na nazero siya sa ibang parte kan nasyon.

Dakul sa mga supporters ni Robredo ang dai makapaniwala sa resulta, kung kaya dakul ning napapahapot kung genuine ang resulta. Sa ibong kan dai pag-aparisir ni BBM sa mga official debates kan Comelec asin pag-iwas sa ibang mga interviews, naging patok man guiraray sa publiko.

Kung genuine ang resulta, daing ibang guibuhon ang kampo ni Robredo, iyo na mag-pasumitir sa desiyson kan madling pipol asin akseptaron ning maluwag sa kalooban tanganing mapakalma ang saiyang mga supporters.

Satong naobserbaran na dakul ang naingganyar sa volunteerism na nabilog kan grupo ni Robredo. Napromotir ang esensya ning tunay na ugaling Pinoy na nagtatarabangan asin nagdadaramayan. Masasabi tang, maogma man guiraray, dawa dai pinalad nin huli ta igwa na-achieve asin na-rediscover so totoong ugaling Pinoy.

**********

Good news sa mga Robredo supporters, igwa ning pinag-anunsyar na importanteng kabanata tanganing mamantinir ang momentum kan damayan system kan Pink movement. Segun ki VP Leni, sa Hulyo 1, ilulunsar ninda ang “Angat Buhay NGO” na mapadagus kan mga napunan nindang pagtabang sa paagui kan office of the vice president.

Humanitarian mission ang klase kan bagong samahan tanganing tabangan bako sana so mga kakampink ninda kundi maging so mga personang kaipuhan tabangan. Purely Non governmental organization ini na makahipno sa kakulangan ning resources kan govierno. Nin huli ta NGO, marikas ang disbursement kan mga tabang na ibabariwas sa mga biktima nin kalamidad asin iba pang pangangaipo.

So far, magayon ang ideyang ini tanganing magkaigwa pa nin extension so nabilog na samahan asin bakong traditional approach na pakatapos kan election tapos asin pinabayaan na so mga supporters asin mabwelta naman kung harani na ang election.

Ang grupong ini, magayon na maging check in balance kan mga nasa govierno. Ingkaso igwa ning mga pag-aabuso sa govierno asin iba pang sektors, makakatabang ini tanganing magkaigwa ning kasurog ang siisay man na naapi sa komundad. Pero, dapat dai man ini guikanan ning karerebukan asin purely good vibes sana ang dapat idara sa publiko.

******

Sa local level, 7 sa mga incumbents na mga alkalde ang nanggana sa saindang mga pwesto mantang 4 ang mga nagbabalik na alkalde.

Ang sinabi ng scenario, pruweba kan prinsipyo na dai dapat magmondo kung kita nadaog this time nin huli ta igwa pa man ning pigaapod na 2nd time. Ang marhay na panalmingan, kung dai ka pinalad ngonian sa kaibong kan nagtutukaw ka, pwedeng isipon kung saen ka nangkulang. Ang mga bagay na ini ang magiging kusog tanganing makarebansa man guiraray ngapit na panahon.

***********

Mientras tanto, nakabirada so 4 na mga board members sa saindang mga dating pwesto. Welcome sa 4 man na bagong mga mga mukha sa SP.

Labi kaimportante ang papel kan mga SP members sa bagong komposisyon. Kamo ang magiging representasyon kan publiko tanganing dai mangyari ang pinaghahandalan kan nagkakapirang obsernador partikular kontrobersyal na issue sa sinasabing dynastiya kan Cua brothers.

Although, nagsabi na man si Vice Gov-elect Peter Cua na dai niya ipapasupog ang siyam na taon niya komo alkalde tanganing oportunisaran ang renda kan provincial government. Magiging critical vice governor man soboot siya tanganing dai pagsahutan kan Catandunganon sa magiging palakaw kan kapitolyo.

Paguirumdom mani ini sa Cua brothers tanganing maghaloy pa sinda sa pwesto, dapat dai maheling sa sainda ang pagiging makasadiri tanganing dagus pang magrambong ang saindang pulitika sa isla.

Ingkaso mapapakakarhay ang saindang administrasyon, daing tambal na ang masalida sa masunod na termino sa pag-graduar ni Governor Boboy Cua iyo si Boste Cua, alagad kung mangyayari ang pinaghahandalan kan publiko, siertong pagkakasararuan sinda kan mga political leaders sa masunod na election.

***********

Dakulang hamon sa bagong elihidong kongresista sa Catanduanes ang masunod na tolong taon tanganing sundan ang yapak kan saiyang mga predecessors pabor sa mga Catandunganon.

Kung si kongresman Cesar Sarmiento dakul na mga proyektong naidara sa Catanduanes particular ang mga infra, arog kan mga multipurpose building, ano kaya ang pinag-iisip na magiging legacy ni Congressman-elect Leo Rodriguez?

Kabale kuta sa mga laudable proposal na proyekto ni outgoing Congressman Hector Sanchez iyo ang submarine cable para sa long-term solusyon sa brownout asin ang planong pagpatugdok ning DOH operated tertiary hospital sa parte kan Caramoran. Alagad, kung dai ini masusundan kan bagong matukaw na kongresista, matinir ining pangarap. Funding ang dakulang consideration kaini tanganing magtindog ang proyekto. Pero, lukewarm digdi si Rodriguez sa rason dakulang pondo ang kunsiderasyon.

From nowhere to congressman si Cong-elect Leo asin gare dai pinaglalaoman ini kan saiyang mga kalaban sa congressional, kung kaya, nasa saiya ang bola kung papano niya maipapaheling na tama ang pagkakapili sa saiya.

Nakatutok ang mga mata kan mga Cagtandunganon sa diskarte kan bagitong kongresista. (FERDIE BRIZO)

Advertisement
Please enable JavaScript to view comments powered by Disqus.