Iba ng tono ngonian kan Ombudsman pag-abot sa lifestyle check kan mga empleyado kan govierno.
Basado sa Republic Act 6713, saro ang SALN sa pinagbabasaran tanganing aramon kung namumuhay ba susog sa saiyang means ang sarong empleyado kan goveirno.
Segun ki Ombdsman Martirez, STOP soboot ini poon kan magtukaw siya nin huli ta bako ini magkakanigong basehan asin nagagamit sana man bilang bluff o pangbraso sa mga opisyal kan govierno.
Ang hapot, ano ang other means bilang epektibong alternative niya tanganing aramon kung namumuhay sa saiyang means ang sarong empleyado?
“Without those lifestyle checks, without the access to [Statement of Assets, Liabilities and Net Worth], you’re actually putting blinders not only on the press but on the public and that’s not a good thing for confidence in our government,” ini ang reaksyon kan abugado asin professor na si Chel Diokno.
Saro sa mga restrictions na pinag-imposar kan ley manongod sa SaLN iyo na dapat, they must be requested during office hours, requesters must pay a reasonable fee, and that wealth declarations which are older than 10 years may not be accessed.
Pero ngonian, bawal na daa segun ki Ombudsman. Following a memorandum released by Maritres, individuals or groups requesting copies of an official’s Statement of Assets, Liabilities and Net Worth will need authorization from the official before making a request.
Ano ang nangyari? Baka natatakot man si Ombudsman na maisairarom sa impeachment, arog kan nangyari ki depuntong Chief Justice Corona buda CJ Sereno.
**********
Naging surpresa sa mga pinoy ang naging statement ni Presidente Rodrigo Duterte na mina-assert sa karapatan kan nacion sa paborableng arbitral ruling kan International Court of Justice (ICJ) kan 2016.
Sa isinaguibong United Nations General Assembly (UNGA), pinagtawanan nin doon kan presidente ang assertion kan Pilipinas sa pinag-aagawan na West Philippine Sea.
“The Award is now part of international law, beyond compromise and beyond the reach of pas-sing governments to dilute, diminish, or abandon. We firmly reject attempts to undermine it,” segun sa Presidente.
Sinabi pa kan Presidente na naninindugan ang gobyerno sa isyu kan South China Sea basado sa UN Convention on the Law of the Seas (UNCLOS) at 2016 Arbitral Award.
Base sa desisyon kan taong 2016 sinabi kan Permanent Court of Arbitration na ang Pilipinas ang may eksklusibong deretsu sa lugar kasabay ang pagbalewala sa “nine-dash line” kan China.
Segun sa mga kritiko kan presidente, may himala. Pero, kaipuhan man soboot nin kimas digdi asin bako sana lip service.
Bistado kaya ang presidente sa pakikipag-amigo sa nacion kan China kung kaya dakul ang nagtau ning panibagong impression sa bagong estratihikiya kan presidente. Positibo ang reaksyon kan dakul na mga kritiko, alagad dai ning magkakanigong tiwala. Namumulitika sana ang presidente o poon ini kan saiyang assertion kontra sa padagus na pagpakonstruer kan China sa sinabi ng disputed islands? Late is better than never.
************
Maabot sa 39 mil na mga estudyante ang masabak sa panibagong sistema ning pag-klase sa probinsya nin Catanduanes.
Segun ki Supt. Dr. Danilo Despi kan DepEd Catanduanes, excited na ang mga paratukdo sa manera nin bagong sistema. Modular ang disenyo, kung saen gagamiton ang mga volunteer student teachers asin mga barangay council sa pagdistribute asin pagkolekta kan mga module na sisimbagan kan mga estudyante.
Trial and error ang sistemang ini, alagad kaipuhan aprubitsaran sa ibong kan pandemya. Dai dapat matapos ang satong pangarap sa edukasyon sa ibong kan mga pagsubok na kinakahampang,
With the advent of technology, dakul na ning paagui tanganing hampangon ang hamon ning buhay.
Makokompirmar ta sana ang effectiveness kaini ingkaso dagus ng maipaimplementar ang bagong Sistema ning teaching.
May pakiulay lang kita sa DepEd. Lugod, bakong marikas masyado ang pacing kan pagtatau ning assignments asin iba pang guibuhon kan mga estudyante, until such time na ma-familiarized na ang mga ini.
Good luck sa mga teachers maging mga estudyante. Welcome to the whole new world of education.
********
Nasa pandemya man ngonian ang mga empleyado kan Philhealth nin huli sa misinformation na nangyari durante kan hearing sa senado asin house kan nagtalikod na semana.
Nagluwas sa hearing ang grabe soboot nin corruption sa PhilHealth. Komo saro man kita sa mga advocates nin Philhealth, medyo mamundo kita sa bakong klaradong paliwanag kan nagkapirang opisyal kan PhilHealth asin motibo na boot itaung impression kan mga legislators niato.
Basado sa pag-analisar niato, gare, kulang sa rarom kan kaaraman kan mga legislators sa manera asin mandato kan PhilHealth.
Example so issue manongod sa Interim Reimbursement Mechanism (RIM), ang impression na naglaog sa isip ning tawo, pinagbulsa kan mga opisyal kan PhilHealth ang kwarta.
Sa reglamento asin rationale kung nata nagpaluwas ning kwarta ang Philhealth pabor sa mga hospital tanganing daing hassle na makapag-availar ang mga pasyente during the pandemic.
Ang mayor na mandato kaya kan Philhealth “reimbursement”, alagad nin huli sa sinasabing fortuitous event, binaliktad kan PhilHealth, naging advance so kwarta imbes na reimbursement. Alagad ang advance na itinau, subject for stringent policy kan liquidation. Meaning, bako itong doleout, kundi, -iicha-charge sa existing claims, pero kaipuhan ining makompletaran ning dokumento, pareho kan regular claims submission.
Ang sinabi ng paagui, arog kan DSWD asin NFA, ingkaso igwa ning mga bagyo asin fortuitous event, may inaapod na “positioning” in anticipation kan epekto kan pandemya. Aram ta, na kan Marso, harus naka-quarantine ang gabos asin grabeng restrictions asin skeletal force maging mga empoleyado kan mga ahensya de govierno, arog kan Philhealth. Mas masasakitan ang mga hospital sa pag-cater kan mga pasyente kung dai sinda ning financial stability.
Namunundo kita sa mga alegasyon na dai pa man napapatunayan kung igwa nin nagbulsa sa mga opisyal kan PhilHealth, mantang yaon ini sa mga hospital. Mas magayon maimbestaran personally kan mga nagtataung duda kung igwa mananggad ning hugos pukos sa sinabi ng RIM. Kaherak man sa mg naalegaran.
Nandisganar lang kita na so mga legislators na naguibo kan batas kan Philhealth, medyo dai sabot ang mandato kan Philhealth. Dai ngani aram kan nagkakapira sa mga senador asin kongresista kung ano ang case rates.
Remember, nagpoon pa sana kan Nobyembre ang Universal Health Care (UHC) na sinda ang nagibo kan batas asin dai pa ngani napupunan so ibang magagayon na programa sa UHC dahil sa pandemya.
Kabale dyan ang libreng checkup sa mga miyembro bako sana ang confinement.
Ang naheheling kan nagkakapirang obserbador sa motibo kan mga alegasyon sa Philhealth iyo ang targeton na sipaon ni Presidente Duterte si Secretary Duque, na alipores dati ni dating Presidente Gloria Arroyo asin haloy ng pinag-iinitan ni senator Lacson. Aram ta na si GMA ang nagpara-parakop kaidto ki Lacson.
Kaya lang ang mamundo para li Lacson ta dai man guiraray nagtrayumpo ang estrategy, nin huli ta retinado sa pwesto kan presidente si Duque. Ano kaya ang vertud ni Duque?
Lugod maging marigmat man ang mata kan mga miyembro kan PhiLHealth. Bako gabos na gustong impormasyon na itinatau sa satuya, may espiritu nin katotoohan. Maging matalino kita sa pag-aram ning tunay na impormasyon asin bako sa impormasyon itinatau sana sato kan mga naka-posisyon.
