Masuwerte ang mga Local Government Units sa probinsya ning Catanduanes sa panibangong ayuda hale sa Department of Budget and Management (DBM) sa paagui kan National Disaster Risk Reduction.
Segon sa impormasyon, maabot sa 143 milyones de pesos ang ipinagtalaan sa bilog na probinsya asin igwa ning pro-rata distribution ang kada munisipyo, basado sa EXTENT of damages dara kan bagyong Rolly asin Ulysses.
Ang pagresponde kan national government, basado ini sa naging agrangay kan kadaklan sa mga Local Chief Executives, lalo na sa kakulangan ng budget durante kan rapunggason kita kan sunod-sunod na bagyo.
Posibleng nadangog kan national government ang sentimiento kan mga alkalde sa probinsya kung kaya naging bentahe ang pagiging reklamador kaysa naging silencio.
Ang hapot ngonian, magkakanigo na ba ang sinabi ng mga kantidad o kulang pa?
Dai man ning minasobrang kwarta, alagad kung ang mga LGUs dapat igwa ning kongkreto asin komprehensibong kaisipan sa prioritization, sa heling ko magiging magkakanigo ang sinabi ng mga kantidad.
Suwestyon sa mga LGUs, resulviran ang problema basado sa prayoridad. Ano daw kung magkaigwa kamo ning comprehensive plan, arog kan caritas Virac. Red Cross buda Save the Children Philippines, mga non-governmental organization na igwa ning step by step mode of action plan.
Masakit kaya kung, igwa ning nag-abot pondo, matic gastos tulos asin pagkaaga tinara. Ang magayon na strategy, gibo tabi kamo nin action plan na iyo ang susundan sundo kung saen tatapuson ang problema, then, ilatag ang budgetary requirements asin kung may kulang iyo ang ihahagad sa national government o ano pa man na budgetary measures sa LGUs.
Kung igwa kuta ning close coordination ang provincial government down to the barangay, mas magiging epektibo ang pagresulvir ning problema sa islang kayganda. Pira so budgetary requirements kan barangay asin mga munisipyo na iyo ang rerespondehan. Mafocus dapat ini sa recovery muna kan mga tinamaan ning bagyo, arog kan pagkaon asin ang mga rinapunggas na mga harong.
Kung piecemeal kaya ang magiging approach, ang problema, ubos na ang kwarta, dai ning direction. Magayon kung mahale ang ideyang ini sa provincial government, maging kan Sangguniang Panlalawigan in close coordination sa mga Sangguniang bayan down to the barangay.
Kung dai ning magkakanigong planismo, sierto y siguro, pirang taon ang malipas dai kita ning padudumanan. PLANO MUNA BAGO ANG ACTION.
*********
Sundo sa ngonian dai pa ning direktiba si gobernador Joseph Cua regarding sa resumption of classes, makalihis na suspendiron ini kan petsa 5 kan bulan ning Nobyembre.
Sa presente, harus dai pa ning convenient area para sa mga pratukdo sa anom na mga munisipyong pinagraponggas ni Rolly asin Ulysses dahilan ta almost 90 percent kan mga eskwelehan, raot pa sundo sa ngonian.
Sa lado kan CATSU igwa na ning schedule. Actually sa Enero 4 ang poon ninda asin matapos sa Pebrero. Meaning sarong bulan ang duration.
Sa ngonian, dai pa man pwede ang face to face dahilan kan covid, modular ang enot ng pinag-implementar asin dai pa natapos dahilan kan mga bagyo. Igwa man ning online basis, alagad sa presenteng sitwasyon dai ning estableng provider.
Ang hapot, sa halipot na implementasyon, epektibo ba ang modular? Epektibo ba ang online? Posibleng magkakaiba ang interpretation kan kada saro, alagad, mas magayon analisaron kung ano ang general impact kan mga naging enot na lakdang.
Suwestyon ta sa mga nanunungdan. Ano daw kung tawan na sana ning sarong bagsakan sa sarong semester ang estudyante na iyo ang saiyang guigbuhon asin sararoan ang submission antes mag-abot ang semester. Mamugtak na gare thesis, aduman na ang direksyon kung ano ang gigibuhon sundo sa matapos ang project.
Tutal, dai ta kontrolado ngonian ang panahon, kung kaya trial and error ang mga nangyayari. Pero kung may sarong comprehensive program o format na gigibuhon, mamiminimisar ta ang inhustisya sa mga estudyante.
Sa ngonian, dai ta man malalaoman ang internet based nin huli ta dai kita ning stable connectivity dahil bar down ngonian ang mga internet providers. Saro ini sa mga pinakaproblematic na scenario sa estorya nin Catanduanes dahilan kan covid asin bagyo.
Plano ang kaipu sa epektibo asin produktibong puturo.
