Wake-up call sa mga LGUs asin sa pamunuan ng Bureau of Fire Protection sa probinsya ning Catanduanes ang mga nangyayaring kasulo na perming igwa ning mga semplang na scenario.


Ang pinakahuri sa banwaan ning Baras, kung saen, natuprod ang bilog na harong asin natada ang mga poste dara kan dai naagapan nin huli kan kawaran ning fire truck. Kaipuhan pa kayang halaton ang responde kan ibang fire truck sa kataning na munisipyo ta nasa repair pa ang saindang fire truck.


By the name itself, ang rason kung nata igwa ning fire protection sa kada banwaan tanganing maprotihiran ang mga propridades kan mga residentes ingkaso igwa ning mga remalaso. Pero, sa kadaklan na beses, medyo dai naanticiparan ang mga insidente.
Kung dai ning available na fire truck, dapat igwa paramientras na standby guikan sa ibang lugar. Kung mahalat pa kita ning akudir sa laog ning kabanga sundo sarong oras hale sa ibang lugar, dai mo pwede paprinuhon ang lagablab ning kalayo tanganing halaton ang fire truck sa guikan ibang banwaan.


Kung marurumduman ta sa banwaan ning Virac, bako sanang natuprod so harong kundi nagbuwis ang 4 na persona sa laog ning pamilya. Mas doble ang anxiety kung igwa ning nasasakripisyong buhay apwera kan mga importanteng kagamitan.

Sa ibong na lado, mientras na may obligasyon ang mga fire department sa satong mga residente, igwa man kita ning responsibilidad sa kada pagrugaring na maging maingat asin anticiparan ang mga medyo posibles na mangyari nin huli sa satong kapabayaan. Kita mismo sa harong, igwa ning mahigot na polisiya sa tamang paggamit ning mga propridades may relasyon sa kuryenteo makawsa ning kasulo.


Maging responsable asin maging alerto 24 oras!


All set na ang DepEd sa Catanduanes tanganing mag-asumir kan haloy ng napurnadang plano para sa face to face classes.
Segon sa intrevista niato ki DepEd School Supt. Dr. Susan Collano, maabot sa 90-96 na mga eskwelahan ang pasado na sa criteria para sa f2f classes. Minakumpwesto soboot ini sa 40 porsiyento kan mga eskwelahan sa probinsya.


Finally, kung malalawos na ang klase, dakulang kabawasan ini sa anxiety kan mga magurang maging mga estudyante na namamarangkal sa pag-answer kan mga modules sa harus 2 taon na ang nakalilipas. Maging mga paratukdo, nasasakitan man kan sinabi ng sitwasyon nin huli ta bako ini ang manner kan saindang training. Alagad dahil sa pandemya, nabuksan so kakaibang estilo ning pagtukdo dawa masakit.

Idasal ta na maging kalmado na ang numero kan mga minapositibo o dai ning magpositibo tanganing secured man ang pagmate kan lambang saro sa posibleng epekto kan virus. Higot na na pag-obserbar sa health protocols ang kaipuhan tanganing maibitaran ang pagbalik kan virus sa isla.


Pagkambyo pabor sa sadiring kandidato sa pagkapresidente kan nagkapirang mga elected officials sa sa Bicol region, indikasyon ning amor proprio sa bicolana presidentiable Leni Robredo.


Sa Cam sur maging sa probinsya ning Albay, nagpahayag na kan saindang simpatiya sa bise presidente tanganing suportahan ang laban kaini sa May 9 elections. Kung dagus ng matanyog ang iba pang mga opisyal igwa ning marhay na tsansa ang pambato kan Bicol sa national scene.

Sa estorya kan pulitika sa nasyon, first time na nagkaigwa kita ning bise presidente sa persona ni VP Leni Robredo kan 2016 elections, ang hapot, siya din kaya ang magiging pinakapremerong presidenteng Bicolana?


Well, that remains to be seen. Pero segon sa mga obserbadores, nasa ki VP Leni ang momentum ngonian lalo na nagdadakul na mga personalidad guikan sa man laen laen na sectores ang minapahayag kan saindang suporta. Kung mainit ang suporta kan sinabi ng mga sektores asin kung tatawan ning full support ini kan mga bicolano, bakong harayong mangyari ang sinabi ng ambisyon.
Ultimately, ang kada saro igwa ning deretsu na magpili kan saindang susuportaran na kandidato. Mas magayon kung ang suporta udok saboot asin bakong hinog sa pirit. Kung sa pagheling kan kada saro, igwa pa ning mas marhay ang track record sa bikolana aspirant, libredo kitang magpahayag sa paagui kan balota sa mayo 9.


Nakaatang sa kamot asin abaga kan magiging presidente ang puturo kan nasyon, kung kaya labi kaimportante ang satong discernment (Pag-isip nin tama o sala) ngonian na mayo 9. Bakong kwarta dapat ang magiging barometro o basehan kan satong pipilion na presidente, kundi, basado sa moral ascendancy na mamuno, leader by example asin dai ning mga baggage na pagabat. Ang reflection kan saiyang pamilya, ekspersiyensya asin track record ang dapat magiging basehan niato tanganing dai ta pagbasulan sa ngapit na panahon.


Maging seryuso kita sa paagui kan paghagad ning divine intervention, or else, anom na taon kita matios kung kita masasala kan pag-ehersisyo kan satong political rights. (FERDIE M. BRIZO)

Advertisement