Sarong semana antes ang eleksyon, mantinido ang angat ni Bise Presidente Leni Robredo sa Google Trends pag-abot sa mga kandidato sa pagka-presidente, base sa data expert na si Mahar Lagmay.

Sa sarong tweet, sinabi ni Lagmay na puon Abril 25 hanggang Mayo 2, nakakua si Robredo nin 55 porsiyento kumpara sa 24% ni Ferdinand “Bongbong” Marcos Jr.

Segun sa link na kaiba kan tweet ni Lagmay, mahihiling na sa parehong panahon, lamang si Robredo ki Marcos sa gabos na rehiyon sa nasyon, maging sa Ilocos Region asin Cordillera Administrative Region na balwarte kan kalaban.

Sa Ilocos Region, enot si Robredo na may 63 porsiyento kumpara sa 37 ni Marcos. Sa CAR man, may 64 porsiyento si Robredo laban sa 31 porsiyento ni Marcos. Sa Cagayan Valley, lamang si Robredo na may 64 porsiyento kumpara sa 36 ni Marcos.

Angat si Robredo sa Metro Manila asin Calabarzon (72-28), Bicol (75-25), Central Luzon (67-33), MIMAROPA (68-32), Central Visayas asin Eastern Visayas (67-33), Western Visayas (69-31), Northern Mindanao (60-40), Caraga (61-39), Zamboanga Peninsula (64-36), Region XII (63-37), Davao Region (61-39) asin ARMM (57-43).

Kun ikukumpara sa mga surveys, mas eksaktong sukulan an Google Trends pag-abot sa prediksiyon kan mga manggagana sa elections.

Malinaw na nahulaan kan Google Trends an mga naggana sa mga nakaaging pirilian sa Estados Unidos puon pa kan taong 2004.

Nahulaan man kan Google Trends an mga nanggana sa mga nakaaging eleksiyon sa Brazil, Pakistan, Malaysia asin France. }

via Jenny Silva | Media Bureau v