Virac, Catanduanes – Nanawagan si Gobernador Joseph C. Cua sa mga mamamayan na makipagtulungan sa mga otoridad para mahuli sa mas lalong madaling panahon ang nasa likod ng shooting incident kay Viga MSDO Carmel Eubra.
Sa panayam ng Radyo Peryodiko sinabi ni gobernador Cua na malaking dagok sa turismo ang problema sa seguridad lalo na’t unti-unti ng bumabalik ang sigla nito sa lalawigan.
Bilang isang pulitiko, masyado umano siyang interesado para madakip ang mga taong nambaril o mga nasa likod ng pangyayari dahil kasama siya sa posibleng targetin sakaling meron ng hired killer sa isla.
Aniya, kung nangyari ito sa ilang residente, mas lalo na umanong nakakabahala ito sa kagaya niyang pulitiko na posibleng targetin anumang oras kung merong mga masasamang elemento.
Kaugnay nito, nakikipag-ugnayan siya sa panig ng PNP hinggil sa mga updates ng kaso upang matukoy o mapanagot ang mga nasa likod nito. Patuloy pa umano ang imbestigasyon hinggil sa pagkakapaslang kay Viga MSWDO Carmel Eubra sa Ocean view Subdivision noong Mayo 24.
“ May mga lead na man ang PNP sa mga possible assassin, ang nakakatakot, kung dai ta maheling ang motive ning panggadan, although dakul version regarding sa karelasyon, pero, one thing for sure, so nagbadil duman, baad hired killer yon, saro kita sa matatakot, “ paglalahad ng opisyal.
“Hopefully, maresulviran ang krimen, dahil nagpropromote kita ning turismo sa isla asin kung magdakula ang crime incidents, saro sa mapugol sa pagpromote ning turismo ang arog kaining krimen. Makipagtabangan kita dahil bako lang so ginadan ang concern digdi dahil gabos kita at risk”, pagtatapos ng gobernador.
