Dakula ang magiging impact sa islang probinsya ang paabot na summer vacation. After 2 years ning pandemic, siertong magkakaigwa ning dobladong kita ang mga lugar na kunsideradong tourist destinations.

Kabale ang Catanduanes sa mga popular na lugar sa Bicol Region na nagiging paborito ng  dagsaon kan mga domestic asin foreign tourists, kung kaya, preparasyon kan mga tourism related business establishments ang kaipuhan tanganing mas pang mapakusog ang turismo sa isla.

Good luck sa preparasyon na isinasaguibo mga frontliners kan tourism sa isla sa pangengenot ni Mam Carmel Garcia asin mga tourism officers sa bilog na probinsya. Dakula ang partisipasyon kan mga minadara ning compass sa arog kaining mga aktibidad asin initiatibo iyo ang mga local government units asin mga local chief executives.

Dai marerealisar ang arog kaining mga inisyatibo kung daing partisipasyon ang mga residente, particular ang mga nasa tourism sites. Dagdag na economic activity ini asin dagdag na livelihood kan satong mga residente.

Fly high happy island!

***************

Harus normal na ang sitwasyon pag-abot sa biyahe asin voluntary facemask na sana ang pagsulot kung kaya, bako ng risky ang pagbyahe.

Pangadye ta na dai na magkuriyat graray ang covid-19 tanganing dai ng madanyaran na buhay. Kudos sa inisyatibo gabos na mga stakeholders na nagpaligot tanganing maresulviran ang problema sa covid.

Kung babalikan niato ang nangyaring pandemya sa nakalipas na duwang taon, harus nakarsel kita sa satong lugar asin ginapos kita ning takot, particular ang enot na arangkada kaini.

Salamat sa pwersa ning dasal asin sa intervention ning Mahal na Kagurangnan na guminiya sato na malampasan ang arog kaining mga kalamidad sa buhay.

Parehas man ini sa personal niatong experiensya, minaagi kita ning mga challenges, alagad dai man dapat magpondo ang satong paglaom na ini malalampasan. There is always light, at the end of the tunnel.

Dai man ning perpektong tawo, maliban sa pangaran. Ang mga challenges, parte ning pagpagimata ning mahal na Dios tanganing magkaigwa ning resetting sa tunay na plano sa satong buhay.

Kung medyo napopoot na kita sa mga problema, Sabi ngani, stop, look and listen. Do our best, and let God do the rest!

************

Dai na kaipuhan pang magpasiring sa mainland Bicol tanganing makapag-avelar kan master’s degree ang mga Catandunganon, particular ang mga nurses.

Segun sa impormasyon kan presidente kan CATSU, marerealisar na ang haloy ng plano asin magiging paborable sa mga nurses ang lakdang na ini.

Kudos sa manihamiento kan CatSU sa mga inisyatibo sa probinsya. (By: Ferdie M. Brizo/FB EYE)

***********

Advertisement