Virac, Catanduanes – Nais ng lokal na pamahalaan ng Catanduanes na maging Rabies free province.
Kaugnay nito, nagpalabas ng Executive Order si Gobernador Joseph Cua para sa creation ng Provincial Committee para sa 2018 best municipality at best barangay implementor sa buong lalawigan.
Ito ay upang bigyang pansin ang hakbang ng mga municipal at barangay government para sa prevention and control ng rabies sa kanilang lugar
Para umano maideklara ang Catanduanes bilang rabies free, kailangan ang komprehensibong kooperasyon ng iba’t ibang ahensya at stakeholders para sa naturang hakbang.
Sa naturang search, hihimayin ng komitiba at ng lokal na pamahalaan ang mga hakbang na isinagawa o ipinapatupad ng mga local officials kasama na ang tinatawag na best practices para bigyan ng rekognasyon ang mga ito.
Sa Setyembre 28, ngayong taon, nais na maideklara ng gobernador na ang Catanduanes bilang Rabies free province.
