Bicol Peryodiko

Lifeguards

Last ball show na ang masunod na duwa may kabangang semana para sa mga aspirante na maging public servant.

Ini na ang pinaka-kritikal na mga aldaw tanganing ibuhos ang saindang best para matawan ning malinig na impression ang publiko, sa mga kahaputan kung nata sinda ang tawan ning bendisyon kan mga botante.

Pinagsasaluduhan ta ang mga aspirante sa saindang paglapigot tanganing abuton ang satuyang mga lugar dawa inano kaharayo.Komo mga husgador pag-abot kan Mayo 13, dapat magkaigwa man kita ning konkreto asin halawig na pag-analisar sa mga personang tatawan ta nin deber. Tandaan, saro ining pinaka-importanteng oportunidad para sa pag-exercise kan satuyang constitutional right komo mga propyong Pilipino.

Sa liwat, dangugon asin magheling kita sa mga patara-tara kan mga aspirante nin huli ta saro ining importanteng impormasyon para sa satong konkretong desisyon sa Mayo 13. Kung dai maiibitaran na makaresibi nin kwarta, ang importante, dai ma-aapektaran ang satong desisyon sa tama asin magkakanigong kandidato.

Good luck mga kaperyodiko!
****
Nagpaluwas ning derektiba ang Provincial Tourism kan Catanduanes sa gabos na mga resort owners na aktibaron ang lifeguards katakod kan pagdagsa ning mga bakasyunista kairiba na ang mga aktibidades sa laog kan summer vacation.

Napapanahon asin Magkakanigo ang lakdang kan tourism office sa pamamayo ni Ms. Carmel Garcia asin lokal na govierno tanganing dai na mangyari pa ang mga insidente kan nagtalikod na taon, kung saen igwa ning mga insidente nin pagkabutod asin iba pang aksidente.

Ngonian na bakasyon, laomon ta ang pagruso ning mga turista sa isla. Apisar kan get together,reunion, parties igwa pa nin kasabay na election, apwera pa kan mga fiestahan bilang tradisyon kan mga pinoy. Alagad, apisar kan pagtau ning abiso na mag-ingat, mas kaipu ang giya kan mga lifeguards tanganing maibitaran ang mga aksidente.

Suwestyon ta, ano daw kung i-require kan tourism office asin kan mga lokal na govierno sa isla ang mga resort owners na apisar kan dagdagan ning mga lifeguards, dapat na sigurong magpalaag ning mga CCTV cameras sa mga strategic places kan mga resorts tanganing epektibo ang monitoring para sa seguridad kan mga bakasyunista asin mga customers.

Exit mobile version