Hot topic kan session kan Sangguniang Panlalawigan kan nagtalikod na semana ang issue sa EBMC.
Enot na issue iyo ang dai na pag-renew sa “Planet Drug Store” na harus sarong taon nagkaigwa ning consignment agreement sa EBMC sa obhetong maging magayon ang padalagan kan EBMC in terms of supplies ang medicine.
Ang siste, failure, basado sa naging finding kan Internal audit sa rason na mas halangkaw ning maabot sa 66 porsiyento ang mga bulong na pinag-oofer kan planet o 34 percdent sana soboot kan mga bulong kaini ang barato, kumpara sa mga pharmacy sa luwas kan sinabi ng ospital. Intonses, dai man nakatabang ang planet kundi nagpalala pa nin sitwasyon, kabaliktadan sa pinaglalaoman kan EBMC asin kan lokal na govierno.
Nin huli kaini, kumpirmadong dai na magkakaigwa nin renewal nin huli ta dai na man ning rekomendasyon ang opisina ni Acting Governor Abundo.
Ikaduwang issue iyo ang pinagkukwestyon na professional fee na 500 pesos kan mga medical doctor na full time employees kan EBMC.
Ikatolo, iyo ang proponidong ibalik na sa national government ang pamamahala kan EBMC. Segun ki Health committee chair PBM Santos Zafe, mayoridad kan SP pabor na i-revert back na sa national government ang hospital makalihis na magpalyar ang haros gabos na mga plano, kairiba na ang pag-converter kaini sa “economic enterprise”.
Ang lakdang na ini pinagkokontra ni PBM Tanael na iyo ang mayor na proponent kan Economic enterprises way back 2011 sa rason na bakong eco. enterprise ang problema kundi ang manera ning pagpadalagan nin huli ta personal interes soboot ang nangingibaw sa mga nagpapadalagan digdi.
Well, may punto man si PBM Tanael, kaya lang, medyo awat ng panahon kan isairarom sa eco-enterprise ang EBMC asin glaring na failure talaga ang sistema. Actually, dai man talaga magkakaigwa nin marhay na income ang EBMC sa dakul na rason.
Kabale digdi ang pakikipagkontrata entre kan planet drugs store samantalang igwa man sinda nin sadiring pharmacy. Ang drugs and medicine, saro sa income generating kan EBMC alagad itinau pa sa iba. Meaning solamenteng room and board sana man ang income kan EBMC, the rest paluwas. Ang professional fee kung philhealth member ang pasyente, dai ini napupunta sa kaban kan EBMC nin huli ta sa mga empleyado ini napupunta by pro rata.
Kung dai gakita ang EBMC sa saindang negosyo, ang burden kaini napupunta sa lokal na govierno. Apisar kan EBMC ang pinaggagastusan pa kan LGU ang mga district hospitals na haloy ng gadarasal na ibalik na sinda sa national government.
Ang benepisyo kung ibabalik sa national government nin huli ta mas magiging kompleto ang mga ikipahes kaini asin mailalaag sa halangkaw na standard ang padalagan kaini asin magiging paborable sa mga empleyado, particular na maging compensated sinda sa saindang trabaho. Ultimately, mas magiging magayon ang padalagan asin suporta kan national government.
Mas magayon kung isabay na ang mga district hospitals na ibalik sa national government ang pamamahala tanganing maresulviran na man ang problema sa kakulangan ning mga personahes asin mga bulong asin medical supplies sa mga ini.
Cycle ang problemang ini asin panahon na tanganing mag-akto with dispatched ang SP asin office of the governor. Napurbaran na ang gabos na estratehiya, asin aram ta na ang konsekwensya kung ipagpapadagus pa ang kaparehong Sistema.
Kaipuhan na tutukan kan SP asin kan lokal na govierno sa pangengenot ni Acting Governor Shirley Abundo ang planong ini tanganing maresulviran ang century old ng problema kan mga pasyente sa probinsya.
