Bicol Peryodiko

Abnormal education

Ma-aaprubitsaran poon ngonian na Oktubre 5 sa pagsikad kan klase kung gurano ka-epektibo ang mga preparasyon na isinaguibo kan Department of Education (DepEd) sa bagong sistema nin edukasyon sa Pilipinas.

Segun ki Supt. Danilo Despi kan DepEd Catanduanes, excited na ang mga personahes kan DepEd maging mga paratukdo tanganing idagus man guiraray ang paghubog sa kaaraman kan mga estudyante sa ibong kan huma o banta sa buhay kan lambang saro.

Modular ang sistema, kung saen so may sadiring computer o laptop pwedeng mag-avelar kan E-COPY, electronic copy na kokopyahon sa paagui kan USB mantang so mga dai nin computer o gadget tatawan ning printed module material.

Saro sa magayon na development iyo ang pag-tap sa mga bayaning guro o mga bagong graduate na mga estudyante tanganing mag-ayuda o maging facilitator sa mga barangay sa pagtaltag asin pag-asiste sa mga kahaputan kan mga estudyante.

Segun sa opisyal, may minimal na honorarium ang mga ini, apisar pa kan points na pwedeng Makua na makatabang sa ranking ingkaso dagus na ang mga ining mag-apply sa trabaho bilang full-fledge teachers.

Although, all systems na ang Deped, sierto y sigurong dakul pang mga hahampangon na problema ang ahensya sa pagsikad kan klase.

Lugod anticipado kan ahensya ang mga mangyayari nin huli ta duwang aspeto ang nakasalalay digdi. Premero, kung papano maging epektibo ang Sistema kan pagtukdo, ikaduwa ang health concerns na posibleng mangyari sa mga paratukdo asin mga estudyante.

Sa mga estudyante, maging asin mga paratukdo, Good luck asin hangad ta ang saindong padagus na pagkanood sa ibong kan krisis sa salud.

Education is the passport to the future, for tomorrow belongs to those who prepare for it today.” “Your attitude, not your aptitude, will determine your altitude.” “If you think education is expensive, try ignorance.” “The only person who is educated is the one who has learned how to learn …and change.”

Lastly, ang edukasyon, bako man sana nakasentro sa technical aspect na makanood kung papano maging asensado, kundi kung papano ang epektibong pagkikipagkapwa asin ang pagtanos kan mga baluktot na pag-uugali.

Salamat sa pagbabalik kan “Good manners and right conduct”.

***********

Nairehistro kan petsa 30 kan Setyembre ang ika-apat na biktima ning riding in tandem sa barangay Francia sa banwaan ning Virac.

Sapul nin anom na tama ning bala si Engr, Jesus “Jess” Albaniel mientras na ini sakay kan saiyang tricycle. Idinalagan pa sa hospital alagad ideneklarang dead on arrival ang biktima.

Segun ki Chief of Police Antonio Perez, nakasentro sinda sa anggulo kan relasyon sa ibang babae kan biktima kumpara sa ibang anggulo arog kan droga asin sa negosyo. Dakul kaya soboot ang biktima nin nakarelasyon na posibleng iyo ang ginikanan ning kontrobersiya.

Sa ibong na lado, kung ang PNP nakatutok sa anggulo kan relasyon, dakula man ang pagtubod kan ibang nakakabisto sa biktima na may relasyon sa droga ang ikinagadan kaini.

Katunayan, kan nakaaguing Setyembre 5 graduate pa sana ini sa rehab program kan PNP asin PDEA makalihis na magsuko man soboot ini sa oplan tokhang.

Segun ki COP Perez, negatibo sa drug test ang biktima durante kan magsairarom ini sa programa, kung kaya kulang ang saindang pagtubod na droga ang motibo sa pambabadil sa biktima.Isolated soboot ang pangyayari ki Albaniel kung kaya dai nin dapat ikahadit ang publiko?

Sa ibong na lado, ang assumption kan PNP kabaliktadan sa pagtubod kan nagkakapirang individual na bistado ang biktima.

Ang hapot, si COP Perez na kaya ang magiging mitsa tanganing matuklo ang mga personang nasa likod kan garadanan sa islang kayganda? Ang Besa brothers sa maghiwalay na insidente nin pambabadil, riding and tandem man ang Sistema na sundo sa ngonian dai pa ning dangog kung siisay ang nasa likod.

Sa entrevista niato ki COP Perez, nagtutubod siya na bakong organized ang nasa likod kaini asin isolated soboot ang pangyayari. How about sa Larry Que shooting incident sa hampang kan LTO kan 2018? So palyadong pambabadil ki Kagawad Zaldy Idanan kan Caramoran na pirang metros sana ang rayo sa mobile force station sa Sabloyon?

Dakul ning duda ang nagkakapirang obserbadores na igwa ning nasa likod kan patterned incidents sa isla na dai naheheling kan PNP.

**********

Premerong luwas ini kan Bicol Peryodiko para sa ika-katorseng taon na pag-eksister niato sa Catanduanes asin sa Bicol Region.

Sa maabot na petsa 24 kan bulan na presente ang Founding Anniversary niato. Kasabay kan satong selebrasyon ang udok sa boot na pagpapasalamat sa padagus nindong pagbasa kan semanal na Peryodiko.

Komo publisher kan huven pang publikasyon, namamate ta ang impact kan pandemya arog man kan ibang mga establisimiento na naglalapigot tanganing maka-survive sa hamon kan panahon.

Dai ta man determinado ang mga maaabot na panahon, alagad komo sarong community crusading newspaper sa isla asin sa Bicol area, mapadagus kita sundo yaon ang saindang suporta.

Sa samong mga benefactors asin advertisers DIOS AND MABALOS saindo gabos! Katorse Anyos na kita MGA KAPERYODIKO!

Exit mobile version