Kung mapapanindugan sundo matapos ang saiyang termino ang battle cry na “no kurapsyon asin no padrino system sa CatSu, dakulang legacy ini na magiging gira kan bagong tukaw na presidente na si Dr. Patrick Alain Asanza.
Actually, nagiging popular ang arog kaining battle cry sa mga mina-aspirar sa mga opisina de govierno nin huli sa customary practice na sa Pinas na bread and butter ang kickback, tongpats, commission, SOP o standard operating procedure sa mga opisina lalo na sa mga process.
Sa statement sa FB ni President Azanza, pinapanindugan niya na dai siya maresibi ning SOP, alagad ang pakiulay niya idonar na sana nin mapapakinabang sa eskwelahan, partikular ang mga estudyante na daing tablet o cellphones na gagamitin sa modular study. Inapod niya ining, SOP in a legal way.
Sa ngonian kaya, problemado ang mga estudyante sa online learning nin huli sa kawaran nin gadgets asin kaipuhan pang magpasiring sa mga internet shops o magbakal ning laptop tanganing maka-access.
Ang hapot, sa arog kaining sistema justified na ba na daing SOP dahil donasyon ang paagui nin pagtabang asin bako sa saiyang personal na bulsa napunta?
Gare, the same concept, analogous circumstances ini kung maguikan pa man guiraray sa mga kontraktor o suppliers ang donasyon. Kadaklan kaya na mga kontraktor nadonar o natau ning advance for future advantage.
Iba ang paagui, pero the same ang scenario. Ano daw kung tapuson na duman ni Dr. Azanza ang issue sa SOP asin dai na pagkabit digdi ang sinasabing legal way o ibang paagi nin pagtabang. The same animal, ika nga.
Ang epektibong diskarte siguro iyo na magkaigwa ning inaapod na levelling the playing field sa bidding process sa CatSu asin buksan sa mga honesto asin kwalipikadong bidders asin bakong for compliance ang mga kontraktor asin ibase sa historical assessment o backgrounder kan mga makontrata sa mga proyekto kan CatSu. Sa siring na papagui, magiging quality ang resulta asin bakong malasado dahilan sa SOP.
Sa kadaklan na beses, nawawara na so quality kan proyekto dara kan mga pahalnas dahil sa inaapod na SOP. Ang kita kan mga konkraktor latak na sana. Igwa ngani aram na LGU, 40 porsiyento ang cut sa mga proyekto, kung siring, ano pa ang kikitaon kan kontrator?
Saludo kita sa pronouncement kan bagong presidente na No Corruption asin No Padrino policy sa CatSU period. Dapat dai na ning further qualification, arog kan sinabi niyang “SOP in a legal way”. The same animal pa man guiraray tabi ini Mr. President.
Mas magayon siguro kung ang mga establimiento o individual na dai ning transaction ang magtau ning donasyon sa fund raising campaign kan bagong administration pabor sa mga estudyante na nangangaipo nin arog kaining ayuda o ano man na marhay na proyekto na kaipuhan nin private participation.
Suwestyon: Sarong naheheling kong alternatibong solusyon iyo ang koordinasyon sa Alumni Association tanganing makaganar ning dakulang tabang o fund raising lalo na sa mga asensado ng alumni bilang tabang sa saindang mga little brothers. “Tabang ni big brother to little brother”.
Idelegar na ini kan presidente sa Alumni Association kan CatSu na igwa ning representante sa board asin sinda na ang bahala mag-isip basta ilatag ang konsepto.
*************
Ang mga Authorized Person Outside Residence (APOR) hale sa national government agencies ang mga pinakamaswerteng tawo sa kinaban nin huli ta nakaka-lamierda na daing hassle sa border control.
May mga naaraman kita na ginagamit lang ang pagiging APOR pero dai man talaga ning transaction kundi personal.
Sa ibong na lado, iIgwa man talaga ning mga APOR na may lehetimong transactions pabor sa mga taga Catanduanes. Mapapaisip ka kung ano ang wisdom kan dai pagrequire sa mga ini nin swab test mantang nagkakandarapa na ang mga LGUs kung papano masolusyon ang padagus na paglobo kan covid-19 cases, lalo na sa islang kayganda.
Segun sa datus kan DOH Bicol, generally, nagbaba na ang numero kan kaso nin covid-19, alagad kabaliktadan sa nangyayari ngonian sa probinsya nin Catanduanes.
Ang hapot, pira sa mga APOR na hale sa mainland ang nakakapasiring sa Catanduanes na nagpapasalubong nin virus? Golden personalities ba ang mga ini tanganing sabihon na imakulada sa virus kung kaya dai na kaipuhan ang swabtest?
Sa intrevista niato ki governor Joseph Cua, inako niya na personally kontra siya sa policy kaya lang nasunod sana soboot sinda sa pinagboboot kan IATF Bicol o national.
Dapat i- review ini kan LGU nin huli ta dakula ang posibilidad na contributory factor ini kung nata nalakop ang virus sa islang kayganda.
*************
POLITICS: Contrary sa mga enot na pronouncements, medyo malinaw na ang scenario na madalagan komo presidente si Mayor Sara sa 2022 presidential elections.
Kan magbisita ini sa Cebu kan Biyernes, July 9, nahapot nin media asin nakapagtaram na kinukunsidera nya ang sinabi ng sitwasyon.
Action speaks louder than words ika nga, dakul na ning manifestations na madalagan ang alkalde kan Davao sa pinakahalangkaw na pwesto poon pa kan mga nagtalikod na mga aldaw asin ang dakul na pangapudan sa paagui nin tarpaulin, Run Sara Run!
Dakul ning rason kung nata dapat magkandidato si Mayor Sara. Enot, ingkaso iba ang magtukaw sa masunod na administration, posibleng maarog man ki dating pres. Gloria ang kapaladan kan saiyang ama na magiging kulungan ang bagsak.
Ikaduwa, dai matugot ang mga kaalyado kan presidente na maghade sa masunod na anom na taon ang opposition nin huli ta posibleng baralikan sa karsel ang mga pinagpakulong kan Aquino administration dahil sa pork barrel scam arog ki dating Sen. Enrile, Jinggoy Estrada maging si Sentor Bong Revilla na natawan ning bwelo sa makaruluwas paramientas kan presenteng administration. Laen pa ki dating first Lady Imelda Marcos na convicted dahil sa ill-gotten wealth, alagad may humanitarian consideration dahil sa health asin edad.
Overwhelming ang suporta ki Mayor Sara kan darakulang partido, arog kan Lakas-CMD, Pwersa ng Masa asin iba pang partido na mina-ingganyar sa alkalde na magdalagan tanganing ipadagus soboot ang mga legacy kan presenteng administration.
Scenario: Kung si Sara ang magiging kandidato kan presenteng admin, maagi sa butas nin karayom ang swerte kan opposition tanganing manggana. Enot, plus 20 percent na ang administration candidate nin huli sa machineries, mobilization asin haros gabos na resources. Ipasain kan ama ang saiyang aki. To the last recourse, posibleng gibuhon tanganing maipanggana ang laban.
Ano naman ang pag-asa kan opposition tanganing mabaliktad ang scenario pabor sainda? Enot, kaipu ang makusog na pwersa sa pagui kan selfless act pabor sa common candidate na manonominar na viable, feasible asin capable na kandidato. Kung dakul kaya ang magkandidato sa opposition, definitely, tapos na ang boksing, proklamasyon na sana ang hahalaton.
Ikaduwa, dakul man na sector ang disgruntled na sa administration, kairiba na dyan ang simbahang katoliko na mas dakula kuta na ang numero kung makuka ang suporta. Kung may sympathy vote kan mga sektores, madali ang kapangganahan kan opposition.
Kaya lang, sa estorya kan mga botanteng katoliko sa Pinas, mahiwas ang libertad na magpili asin dai minapasumitir sa rekomendasyon sana kan mga lider kan simbahan. Sa presenteng administration, dakul na lugad ang tuminama sa simbahang katoliko kairiba na ang moral issue contrary sa saindang pinagtutukdo sa mga parishioners.
Ultimamente, igwa ning freedom ang gabos na mga Pilipino na mamili susog sa saindang napupusuan. Mas kaipung madangog ang makusog na boses kan mga elector ngonian na pirilian, whether mapabor ini sa manok kan administration o mapabor sa manok kan opposition.
Demokrasya kitang nasyon, LIBRE ANG MAMILI, PERO DAPAT MAMILI NIN TAMANG LIDERES!
