Kung magiging matrayumpo si Congressman Cesar Sarmiento sa saiyang kampanya kontra sa “vote buying”, saro ining legacy na magiging parte kan history kan Catanduanes.
Dai pa kaya akong narurumduman sa estorya kan isla na may nangganang kandidato lalo sa pagiging kongresista asin gobernador na dai guminamit nin plata sa kada election.
Kung manggagana asin mapapatangatawanan ini kan dating solon na dai ning itataong imo sa last hour karibay kan boto, malaom kita nin corruption free ang saiyang governance.
Segun ki Sarmiento, ang saiyang track record ang mapaliwanag kan saiyang kandidatura asin magiging giya kan mga botante.
Nin huli soboot sa pagiging covid-19 survivor napukawan siya na baguhan ang dating sistema nin political principle na kwarta ang nagiging sentro nin entry level tanganing matawan ka nin tsansa sa anuman na pwesto.
Sa extension soboot kan saiyang buhay, mawot niya na mailaag sa tama ang gabos.
Segun sa mga obserbares, ang luwas kaini, masanla siya nin saiyang kandidatura asin ang bayad kung siya na mailaag sa pwesto. Digdi matetesting ang bagong pulitika sa isla, kung nagbago na. Good luck!
*****************
PDP-Laban co-founder Lourdes “Bing” Pimentel hits Cusi faction’s endorsement of presidential aspirant Bongbong Marcos Jr. #ANCAfterTheFact
“How can you endorse somebody who is the offspring of the person who was responsible for the destruction of our freedom and democracy?” PDP-Laban co-founder Lourdes “Bing” Pimentel hits Cusi faction’s endorsement of presidential aspirant Bongbong Marcos Jr.
Ini ang naging pahayag kan agom ni depuntong Senador Nene Pimentel, Jr. katakod kan naging endorsement kan Cusi Wing PDP laban sa kandidatura ni Presidential candidate Bong Bong Marcos sa intrevista kan ANCAfterTheFact.
In the same press release, Pimentel mentioned that PDP-Laban stands for “Theism, Humanism, Enlightened Nationalism, Democratic Socialism, Participatory and Consultative Democracy, and Federalism.” But except for a doomed attempt to push federalism, members of this ruling party hardly mention these ideas, much less how they’d figure in their style of governance.
So naging mitsa soboot na grupo ning mga prinsipyadong personalities tanganing mahalkas sa pwesto ang 20 anyos na martial law sa nacion, iyo ngonian ang ga-endorsar sa aki kan dating diktador.
Segun sa pamilya Pimentel, binalahura kan grupo ni Cusi ang prinsipyo kan mga founders kaini makalihis na magsanib pwesto ang PDP asin Laban tanganing wakasan ang authoritarian government sa paagui ninda Ninoy Aquino, Lorenzo Tanada asin Nene Pimentel.
Ang solusyon sa bagay na ini iyo ang marikas na hatol kan Comelec asin Korte Suprema kung siisay ang tunay na bibistohon na PDP-Laban. Pimentel Wing o Cusi Wing.
Sa ibong na lado, igwa man ning sala ang grupo ni Coco Pimentel Wing kung nata nangyari ang arog kaining sitwasyon na nagbomerang sa sainda. Nagpagamit din sinda durante kan naghahanap ning Partido si president Duterte kan saiyang paglutsada.
Mas magayon kuta kung nagbilog na sana ning panibagong Partido ang grupo ni Cusi tanganing dai man mabastos ang prinsipyo kan sinabi ng Partido. Tutal, dakula ang pondo kan administrasyon tanganing makabilog ning grupo. Ano ang rason kung nata ta dai naisipan kan Cusi faction?
****************
Ini ang epekto kan dakulon nin political party sa Pilipinas. Harus dai na bisto ang prinsipyo asin history kung saen hali asin ano ang ideology na pinagdadara kan Partido.
Panahon na para magkaigwa ning pag-amiendar sa political party system sa nacion tanganing makahurma nin political party na igwa ning prinsipyo asin bakong political party for convenience.
Dakulon nin political butterfly kung kaya bakong disiplinado ang mga miyembro.
Party discipline ang saro sa dapat maging padatulan ning pag-eksistir ning mga Partido, bako ang political convenience.
Kaipuhan, magkaigwa ning reglamento ang political system asin bakong free willing tanganing maibitaran ang political butterflies. Dapat bago maging full member igwa ning requirement ning pirang taon tanganing manoot sa isip kan sarong individual ang prinsipyo asin ideology kan Partido.
****************************
“There’s nothing unlawful for any groups associated with the CPP/NPA to support any political party or individual in the forthcoming elections,” Guevarra said, further explaining that “it is when they commit acts of violence to sow terror and destabilize public order in the guise of exercising their political right that will prompt the Anti-Terrorism Council to take action.”
Ini ang pahayag ni DOJ Secretary Menardo Guevarra may relasyon sa issue kan sinasabing red tagging.
Paliwanag ni Guevarra, sundo sa dai ning ginigibong karahasan o anuman na paribok sa publiko, dai nin sala sa sisay man na grupo maging militanteng grupo na kinokonekta sa CPP-NPA na magpahayag ning suporta sa sarong kandidato kung dai man minakrear ang mga ini ning byolensya o karerebukan.
Markado kaya kan mga otoridad ang nagkakapirang aktibista na iyo soboot ang front kan mga nasa lado kan mga CPP-NPA.
Segun sa ibang kritiko, kung siring ang tratamento kan govierno sa mga aktibista posibleng dagus ng magkrear lugod ini ning dakul pang NPA nin huli ta bawal na palan ang pagpahayag kan mga nasasaboot. Kada bes na igwa ning persona na makontra sa govierno o magiging aktibista, kokondenaron kan mga otoridad.
Ang hapot, nuarin naging sala ang pagpahayag nin nasasaboot tanganing tikwilon ang palakaw kan govierno. Kung dai ning kritiko dai kita ning asenso nin huli ta matubod na sana ang mga nasa poder na permi sinda tama. Ang mga personang ini iyo ang pambalanse na minarepresentar sa sintimiento kan publiko.
Magtaga salming man ang mga nasa pwesto tanganing analisaron ang sadiri kung igwa sinda ning digta sa pandok. Sabi ngani, iba ang gaheling sa gakawat.
Kaitong gakandidato pa sana grabe ang promesa ning participative government, alagad kan nakatukaw na, bawal na ang pobreng tikoy na magreklamo sa salang gibo kan govierno.
May tamang oras asin pagkakataon tanganing husgaran ta sinda ngonian na election mga kaperyodiko!
I-career ta ang pagboto ngonian na Mayo 9, pilion ang may pagmalasakit sa kadaklan asin bako sa saindang personal agenda.
