Bicol Peryodiko

Judgment day

Pirang aldaw na sana judgment day na kan satong kandidato sa national and local post. Ang mga aldaw na ini ang matau ning mas makulay na hiro sa satong mga kandidato tanganing mas pang gapangon ang mga turog pa sa impormasyon.

Usually, bentahe ini sa mahigos na mga kandidato. Ang mga minabalik sa lugar na hararayo, dakul ang pag-asa na magirumduman kan mga botante. Ang mamundo na parte, sa probinsya nin Catanduanes, kung dai ka nin last hour monies sa kaibong kan saimong pagiging mahigus, medyo depisil ang panggana.

Sa ibong kaini, ang satong pangapudan na reskayon nin marhay ang track records ning mga kandidato tanganing maenjoy ta ang mga moments ninda mientras na yaon sa pwesto, or else perming mahanap ang mga botante ning bagong kandidato na igwa ning datung sa oras na matatabangan pansamantala sa oras ning election.

************

Dai pa man ang aldaw nin election, may mga naenot ng nagtaraltag ning mga goodies sa mga barangay komo patikim kan mga kandidato tanganing dai malingawan.

Customary practice na sa islang kayganda ang irimuan, or else, pupulutin ka sa kangkongan. Ang hapot, nuarin kaya ini mapapara? Igwa ning advocacy ang Diocese kung papano magpili ning bobotohan. Alagad sa mga botante, ang iba naluwas lang sa kaibong na talinga ang arog kaining mga kampanya. Ang importante sa sainda iyo ang survival.

Kasalan din kasi ini kan mga pulitiko na nagtuturukaw sa saindang mga pwesto. Kung namamate kan mga ini ang pagmangno guikan sa govierno kung yaon sinda sa pwesto, maabot ang panahon, bakong garantiya ang kwarta sa election, kundi performance based.

*************

Deretsu naisarado kan Civil Service Commission (CSC) ang saindang access para sa mga gustong mag-exam para sa professional asin sub professional.

Ano ang nangyari sa Civil Service, nata ta naging limitado sinda sa numero mantang tapos pa sana ang pandemya, kung kaya dakul ang interesado magsairarom sa examination tanganing makalaog sa government service.

Dapat maghanap ning ibang remedy ang CSC kung papano maakomodar ang mga interesado mag-exam lalo na ngonian na dakul ning nangangaipu ning trabaho.

Ano daw kung ibalik ninda ang computerized examination tanganing dakul ang makakapag-avail kan saindang prebilihiyo.

*******

Dakul na ang mga domestic asin foreign tourist na minadiskubre kan gayon kan Catanduanes. Kan nagtalikod na semana santa, particular sa easter Sunday, dakul nin naglibot sa isla sa paagui kan 360. Saro ang saindang lingcod sa nakasabay sa grupo kairiba ang mga bakasyunista hale sa Canada asin Metro Manila asin naheling ta ang potential kan isla tanganing maging enjoyable sa lado kan mga bisita.

Mas magayon kung macoordinate kan provincial tourism sa paagui kan mga municipal tourism ang iba pang Sistema kung papano maging attractive ang isla sa mga mawot na tuklason ang gayon kan isla.

Saro dyan ang coordinasyon sa mga residente na maging parte maski sa saindang mga residensya para makaganar ning livelihood sa paagui kan 360 packages.

Ang boot tang sabihon, dawa dai ka sa sentro ning Virac, sa mga inaaguihan kan 360 packages makakaganar ka nin income sa paagui kan mga produkto na igwa sinda.

Mas magayon kung maka-establisar ang nagkapirang mga investors ning 360 packages, kung saen, igwa ning mga identified asin coordinated na pasyaran sa kada munisipyo na mamustra sa gayon kan Catanduanes.

Naluwas kasi ngonian na ang banwaan nin Baras sana ang igwa ning mga nati-training na mga tourist guides. Poon sa San Andres Caramoran, Pandan asin bagamanoc, mas magayon kung makokoordinar ning marhay ang mga tourist destinations tanganing magiing parte kan 360 packages kan mga travel and tours.

Ang boot tang sabihon, igwa ning lugar na may makakaunan ang mga ga avail kan 360, lalo na sa mga gilid ning tinampo, rides, etc na ma-enjoy sinda sa island hopping. (FB EYE / FERDIE M. BRIZO)

Exit mobile version