Nin huli sa epekto kan Dengue cases, pormal ng pinagdeklarar kan Department of Health ang bilog na nacion komo nasa irarom kan “National Epedemic”.
Nagpapadagus soboot ang pagdakul kan mga nadadanyaran na buhay asin posibleng magpapadagus ang sinabi ng numero kung dai marumpag ang mga namok na may bitbit na helang maging ang mga pinagmumugaran kan mga ini.
Sa pinakahuring impormasyon, maabot na sa pito katawo sa Catanduanes ang sinasabing nadanyaran na buhay makalihis na maghelang kan parehong helang. Segun sa mga health personnels, nasa evaluation pa kung gurano kakonektado ang helang kan mga pasyente antes na bawian nin buhay.
Kan nagtalikod na Miyerkoles, pormal ng pinagdeklarar kan SB San Andres na nasa State of calamity ang sinabi ng banwaan dahil kan paglobo kan numero nin dengue cases na uminabot na sa 365 sundong 380. Obheto kan deklarasyon tanganing magkrear ning awareness sa publiko asin tanganing makapagpaluwas nin magkakanigong pondo hale sa saindang calamity fund.
Sa ibong na lado, kudos sa lado kan LGU Catanduanes nin huli sa deklarasyon na magkaigwa ning anti-dengue Day kada Biyernes poon ngonian na Agosto sundong Setyembre. Sa memo na pinagpaluwas kan opisina ni Acting Governor Shirley Abundo, magkakaigwa ning Anti-dengue cases campaign kada Biyernes poon ngonian na bulan nin Agosto sundong Setyembre.
Obheto kan sinabi ng lakdang tanganing rumpagon ang pinag-eestaran ning mga namok sa man laen laen na ahenya de govierno maging sa mga barangay. Sa memorandum na pinagpaluwas ni Acting Governor, pinagderehiran kaini ang mga nanunungdan na ahensya na magsaguibo kan saindang clean-up drive.
***********
Congratulations ki Vice Mayor Leo Mendoza sa pagkaka-elihir kaini komo presidente kan Vice Mayor’s League sa probinsya nin Catanduanes.
In fairness, prubado ang higus kaini maging kan siya alkalde pa sa banwaan ning San Andres. Dai kitang duda na marerepresentar kaini ang liga ng mga bise alkalde sa national level.
************
