Kan mga nakaaging aldaw, habang an satuyang banwaan asen nasyong Pilipinas besihononon sa eleksion, sarong bagay ang nangyare asen hanggang ngunian mainiton na pinag didiskutiran sa nasyon kan USA, kan United States of America. Habang dindi sa satuyang runa dakolon na mga konstituentes ang sige ang raburab sa social media manongod asen dapit sa nakaaging eleksion, sa USA igwa man sindang isyu na pinagdidiskutiran hanggang sa ngunian.
Kun ang eleksion na ini sa satuyang runa igwa nin dakulang implikasyon sa futoro kan satuyang banwaan ang pangyayare asen nagyayare na ini sa USA igwa man nin dakulang implikasyon bako sana sa Estados Unidos kundi sa bilog na kinaban. Asen ang isyu na ini na pinagtotombok niato iyo ang posibilidad na ma pabarintok, mabasura, ma overturn and US Supreme Court decision na popularly known as Roe vs Wade.
Ano ang Roe vs Wade? Iyo ini ang sinasabing landmark decision kan United States Supreme Court na may fecha January 22, 1973-Roe v. Wade, 410 U.S. 113 (1973). Sa desisyon na ini sinabi kan US Supreme Court na biga protektahan kan Konstitusyon kan Estados Unidos ang karapatan kan sarong bados na ina na e-abort, as in gadanon, an omboy sa sainyang sinapupunan.
Dahil sa desisyon na ini ang mga limitasyon asen pagbabawal sa abortion sa Estados Unidos padagos na nirumpag. Ginibo kan decision na ini na ang abortion daa sarong constitutional right. Dahilan kaini mag poon kan taong 1973 hasta ngunian igwa na ning 65 million na mga baby ang pig abort, as in ginadan, sa US.
Makamomondo asen makahihingrat na isipon. Dahil man sa desisyon na ini nagsunudan na ang mga nasyones sa Amerika, sa Europa, sa Australia asen sa iba pang runa kan kinaban na gibohon na legal ang gadanon ang aki sa laog kan tulak nin sarong ina.
Alagad kan nakaaging Mayo 2, 2022 sarong leak ang nangyari sa US Supreme Court. Ang draft decision na sinurat ni Associate Justice Samuel Alito na may fecha February 10, 2022 para sa pending case na Dobb’s vs Jackson Women’s Health Organization, naglalaman na ang Roe vs Wade sarong salang desisyon asen dapat nang basurahon. Sabi sa draft decision ang Roe vs Wade is “egregiously wrong from the start”. Sabi pa sa draft decision “[it] is time to heed the Constitution and return the issue of abortion to the people’s elected representatives.”
Dahilan sa posibilidad na padagos ng basurahon kan US Supreme Court ang Roe vs Wade dakolon sa mga “pro-baby-killers” ang nagra-rally sa mga private homes kan limang Associate Justices na pabor sa draft decision ni Associate Justice Alito. Ang makamomondo iyo na maski na ngani sarong krimen ang pag rally na ini sa private homes kan mga justices, alagad pinapabayaan lang kan mga Democrats na nasa poder ngunian ta saro man sindang mga “pro-baby-killers”. Ang mga simbahan biga aratake kan mga raleyesta na ini. Mas lalong makamomondo dahil sa ang presidente kan USA ngunian nagproproklama na siya sarong Katoliko alagad uyamon siya sa draft desisyon na ini ta si Biden saro man na “pro-baby-killers”. Let’s Go Brandon!
Personalmente, ako nauugma sa posibilidad na ang Roe vs Wade ma overturn. Dahil pag ini mangyari, at least mababawasan na ang okasyon nin abortion sa Estados Unidos.
Makahihibi na paghorop horopon na dahil sa Roe vs Wade milyones na mga baby sa tulak nin saindang ina ang ginaradan. Kaya satuyang ipangadye na dai man logod pangluyahan nin boot ang limang Associate Justices kan US Supreme Court na pabor na basurahon ning padagos ang Roe vs Wade.
Ipangadye niato ang seguridad asen kaligtasan kan mga Associate Justices na sina: Amy Coney Barrett, Neil Gorsuch, Brett Kavanaugh, Clarence Thomas, and Samuel Alito. Gabos sinda mga Katoliko. Isn’t it amazing that this scourge of life will be overturned in this month of Our Blessed Mother?
Pray and pray unceasingly so that abortion in this hapless world will be a thing of the past. Our Lady of Salvation, please intercede for us. (SEVZ V. VIDAL/SNIPER PATROL)
