Virac, Catanduanes – Agaw-atensyon ang makukulay na painting arts sa pader ng munisipyo sa baying ito nitong Desyembre 7, 2017.
Kaugnay nito, pinasalamatan ng Local Government Unit (LGU) sa pangunguna ni Mayor Samuel Laynes at Konsehal Ver Candelaria sina Frederick A. Tolledo, Jun Candelaria at Dan Borotilla ng Leaf Life Outdoor Adventure sa pakikipagtulungan ni Mr. Edgar Convocar ng Davies Paints Phillippines, Inc.dahil sa ambag at mga pinamalas na talent.
Mapapansin sa isinagawang pagpintura sa pader ng munisipyo malapit sa tabi ng boulevard ang makukulay na pagsasalarawan ng buhay at kapaligiran ng lalawigan. Mula sa mga bulaklak, surfing sa karagatan at maging pag-snorfing sa ilalim ng dagat ay makikita sa iginuhit na mga larawan.
Iginuhit din ang pagiging likas na maka-diyos ng mga taga-Catandunes mula sa imahen nin Nuestra Seniora De Immaculada Concepcion at maging ang pagkawili ng mga kabataan sa pag-aaral na animo’y totoong bata na nagsusulat sa pader.
