Under pressure asin against all odds and sitwasyon ni Judge Lelu Contreras sa kaso kan kontrobersyal na Mega Shabu Laboratory sa Palta Small, Virac, Catanduanes kung kaya determinado siyang mag-inhibit sa kaso.

Sa exclusive interview kan Radyo Peryodiko kan nakaaguing Sabado, Petsa 14, sarong aldaw makalihis ang hearing para sa commitment order ki Atty. Eric Isidoro, kinumpirma kaini ang pressures na saiyang namamatean kabale na ang security reasons kung kaya decided na siyang mag-inhibit.

Segun sa saiya, sarong aldaw antes ang pag-abot sa probinsya ni Isidoro, tolo katawo soboot ang nag-apod sa saiya tanganing hagadon na sa NBI muna maritinir si isidoro imbes na sa BJMP Virac. Ang rason kan taga NBI na tibaad ipagadan kan gobernador.

Ang saro sa naribungan ni Judge ta nag-apod man soboot sa saiya si Gobernador Cua asin nakiulay na kung pwede duman man sa Manila ang detention ni Isidoro basado soboot sa pakiulay sa saiya ni isidoro for family reason.

Uya ang parte kan rebelasyon ni Judge sa premerong pag-atubang sa korte ni Isidoro na maheheling ang parte kan news na ini sa satong headlines:

“Last night, nag-start ning 6:40 in the evening ang apod ni Governor Cua, he called me up, requesting again Atty. Isidoro not to be detained in Catanduanes. Ang sabi ko, Gob. Ika pa palan ang nag-request? Ika ngani ang tinatakutan ni Atty. Isidoro na darahon digdi ta ipapagadan mo daa? Nabigla man ngani si Gob.” Pahayag nito. Sinabi naman umano ni Gob. Cua na nahihiya umano itong tawagan ang hukom dahil alam ni Contreras na ni minsan ay hindi umano ito tinawagan ni Cua at humingi ng pabor sa loob ng labing-dalawang (12) taon na panunungkulan nito bilang hukom sa Catanduanes subalit napakiusapan lamang umano ang Gobernador ni Atty. Isidoro.

“Sabi ko, Gob. Pasensya ka na, pang-tolo ka na, pasensya ka na ta dai ko talaga babawion pa ang posisyon ko na darahon siya digdi, digdi siya i-detain. Sabi ko sabihon mo ki Atty. Isidoro, maski si Duterte pa ang umapod dai talaga ako mabago kan sakuyang posisyon,” ayon kay Contreras.

Sinabi rin nito na matapos ang tatlong oras ay tumawag ulit ang gobernador at sinabi umano nito ang huling hirit na hilingin sa korte na kung maaari ay dadalo lang ito tuwing may hearing sa lalawigan at babalik sa Manila pagkatapos. Subalit ayon kay Contreras, “That is equivalent to someone who post a bail. Sabi ko, pasensya ka na talaga Gob. dai ako matao nin special favor.”

Sa puntong ini, gare nalalabuan kita sa mga revelations, partikular sa mga personang nakiulay tanganing dai madetinir sa Catanduanes si Isidoro.

Sa exclusive interview niato ki gobernador Cua, inako kaini na siya personal na nagtawag ki Judge asin kinumpirmar niya ang revelation ni Judge during the hearing. Sabi niya, maherakon siyang persona, lalo na kung family consideration ang rason ta saro man siyang ama. Nakiulay soboot sa saiya si Alex Ajero asin mismong si Isidoro ta naherak sa saiyang aki na nasusupog na ning maray dara kan sinabi ng kontrobersiya.

Sa issue kan pag-abot kan sarong taga NBI ki Judge asin ang rason na tibaad ipagadan niya, ang sabi kan gobernador, posibleng diskarte ito kan taga NBI tanganing may magabat na rason asin paburan ang request. Pinahimutikan niya ang sinabi ng mga alegasyon. Segun sa saiya, although nakataya ang imahen sa kontrobersiya kan shabu, alagad naoogma siya na gausad na ang kaso.

Habo niya ng magkomento sa issue kan pagkakahale kan ibang pulitika sa kaso sa ibong kan mga revelation ni Tabor.

Susundan ta ang mga estoryang ini sa mga maabot na aldaw tanganing Makua ta ang mga kasimbagan. Ang importante ngonian, nag-usad na ang kaso asin hustisya sa mga Catandunganon ang nakasalalay digdi. Wag kukurap, aabangan niato ang mga masunod na revelations sa misteryo kan mega shabu lab sa islang Catandungan.

Advertisement