LEGAZPI CITY — Ikinaogma kan Philippine Statistics Authority (PSA) an resulta kan Family Income and Expenditure Survey makalihis na magbaba an poverty incidence sa Bicol.

Ang poverty incidence iyo ang lebelo kan mga nagtitios sa bilog na rehiyon.

Segun ki PSA Bicol Senior Statistical Specialist Anna Bajamundi, an dating 33.7 percent poverty incidence sa rehiyon kan 2015, an nagin 21.4 percent na sana kan nakalihis na taon.

Boot sabihon segun ki Bajamundi, nabawasan an mga tawong nakakamate nin “below poverty line”.

Para sa Bicol, P9,955 an kaipuhan na poverty threshold para sa pamilyang may limang (5) miembro tanganing mautob an basic food and non-food kada bulan para  masabing bakong nasa “living below poverty line”.

Iba-iba man suboot an computation sa kada provincial tanganingg masukol ang poverty level.  Para sa provincia nin Albay, kaipuhan an P10,173 kada bulan para sa limang tawo; P10,098 sa Camarines Norte; P9,646 man sa Camarines Sur; P10,120 sa Catanduanes; P10,928 sa Sorsogon asin P9,404 man sa Masbate.

Naglalaom man an opisyal na mas mababawasan an mga nagtitios sa nacion sa masunod na tulong taon. ( Bombo Ruffa Lozada Bombo Radyo.com)

Advertisement