Ipinag-suspendir sa ikaduwang pagkakataon kan lokal na govierno kan Catanduanes ang programang “Balik Happy Island” para sa mga Local Stranded Individuals (LSI) asin Returning Overseas Workers (ROF) kan nagtalikod na Hulyo 18.

Dara ini kan liwat na pagdakul ning mga poisitibo sa covid-19 resulta kan dagus-dagus na pagdagsa kan satong mga kababayan hale sa Metro Manila asin mga pagtaraed na lugar na dakul ning kaso nin covid-19.

Rason kan lokal na govierno tanganing makatutok sa contact tracing asin pagtabang sa mga pasyente.

Good move ini sa parte kan provincial government sa pangengenot ni gobernador Joseph Cua nin huli kan pagkahandal kan satong mga kababayan na gare perming pigakurab o stress every time na igwa ning napapabaretang positibo na naman.

Dakul kitang nakukuang feedbacks sa lado kan mga residente na harus na iritable na nin huli sa sinabi ng Sistema.  Sa Bicol Region, dai na mabilang sa kamo ang numero nin mga positibo nin huli sa enot ng programa kan national government na “Balik Probinsya” ni Mr. Senador Bong Go.

Sa Masbate asin Sorsogon na harus bilang sa kamot ang numero, ngonian harus pinamumugaran na ning mga positibo sa covid. Intonses, alamrmado ang bilog kumunidad na haloy na kutang nagsakripisyo sa irarom kan enhance community quarantine.

Sa feedback niato, grabe na rin ang reklamo kan mga frontliners maging digdi sa probinsya ning Catanduanes na iyo ang mina-aturgar everytime na igwa ning naifoforward hale sa manifesto na maabot sa saindang lugar maski pukdol ang preparasyon.

Now,  pangapudan sa lado kan IATF, sarong humble suggestion ang satong gustong ipaabot kung mamarapaton.

Ano daw kung magkaigwa kita ning REGULATED TRAVEL SYSTEM (RTS) o acceptance kan mga mawot mag-uli sa probinsya?

Ang boot tang sabihin, may numero ang malaog asin kontrolado o igwa kita ning crowd control procedure tanganing aram ta kung pira sana muna ang dapat ang uya sa probinsya mantang nasa irarom kan saindang quarantine?

Ang centralized travel system dapat imamaneobra kan task force balik happy island na nasa irarom kan IATF.

Magayon na ehemplo so ginibo kan probinsya sa “ balik happy island”. Segun ki Mr. Paolo Araojo kan Information Unit, dai ning naging positibo sa 995 na mga recipients kan sinabi ng programa. Suma total, epektibo nin huli ta aram ta kung siisay asin ipinagsairarom sa test antes maghale sa Manila asin igwa ning sadiring sasakyan.

Kung aanalisaron mo so mga nairehistrong nagpositibo, kadaklan so mga nag-arkila ning private cars asin nagpahatod sa ciudad ning Tabaco. At presto, makalat nin lagim ang mga ini.

Dai ta pigakontra ang pag-akseptar sa mga mawot mag-uli, alagad dapat igwa ning reglamento ang lokal na govierno. Dapat isipon ta man kung ano ang namamate kan mga residente uya na perming alarmado sa kadabes na igwang positibo.

Kung dai pwede guibuon na centralized kan probinsya, dapat kontrolado kan kan mga munisipyo. Dai pwedeng yaon na sa Tabaco asin dai man nagsairarom sa mahigot na protocol lalo na ang test, papabiyahihon na sa barko.

Ikaduwang suggestion, ano daw kung igwa kita sa Tabaco nin crown control o task force na iyo ang minasara kan mapunta sa isla asin igwa ning stringent policy lalo na ang mga ambulant travelers.

Ikatolong suggestion, sa lado kan management kan mga barko, dapat iimplementar ta ang compartmentalization o zoning sa pagsakay tanganing mapadali ang contact tracing.

Kaipuhan sa mga APOR igwa man ning sarong area asin may barikada, so LSI, iba man ang area, maging so mga ROF as the case maybe.

Sa paaguing an, maiibitaran ta ang pagkalat ning virus kung siisay man sainda ang igwa asin madali ang tracing ingkaso igwa ning positibo sa kada grupo.

Sa pagbaba ning barko, enot na maluwas so mga APOR, sunod LSI asin Huri ang mga ROF nin huli ta dakula ang porsiyento kan probability kan mga ini sa covid.

Sa arog kaan na sitwasyon, malibyano ang sitwasyon asin dai nakakamate ning grabeng stress maginig ang satong mga kababayan sa probinsya.

Sa panahon na ini, kaipu ta ang strategic and systematic policies asin bakong armalite system tanganing malabanan ang virus.

Totoo, pinagrekunucir ta ang karapataran kan mga ining makaabot sa sadiring lugar, alagad dapat magpasairarom sinda sa stringent protocols.

Basado sa monitoring nyato sa lado kan mga frontliners sa mga munisipyo na iyo ang minasalo kan gabat sa pag-ataman kan mga nasa quarantine facilities, medyo napupulitika pano soboot ang Sistema kung kaya nakakalusot ang nagkapira sa mga ini na dai gaagi sa mahigot na proseso.

Pakiulay kan mga frontliners, helingon asiin mateon man tabi ninda maging kan mga alkalde asin provincial government ang saindang sitwasyon. Nasa hukay na soboot ang saindang bitis, sa kadabes na  pag-abot kan mga LSI, ROF asin iba pang mga persona nin huli sa quarantine protocols. Tao lang naman sinda na marunong masaktan asin bakong robot.

Advertisement