Nasa publikasyon na ang ordinansa na minaobligar sa mga business establishments sa banwaan nin Virac na magkaigwa ning CCTV camera.

Laudable na lakdang ini kan Sangguniang Bayan asin lokal na govierno kan Virac tanganing matabangan ang PNP sa paglapag kan mga personang pasaway, partikular kung disoras ning banggi.

Apwera kaini, igwa na ning alokadong pondo ang lokal na govierno para sa CCTV na magiging armas kan PNP asin LGU sa mga krimen asin monitoring sa sentro kan Virac.

Ingkaso maiimplementar na ini, dakulang tabang ini tanganing mapreventaran asin malamag deretsu ang mga mararaot na elemento kan sociodad.

**********

All set na soboot ang lokal na govierno kan Catanduanes maging ang DOH para sa gigibuhon na vaccination program sa probinsya.

Luway-luway ng nag-aarabutan ang mga bakuna sa nasyon na pinag-enotan na kan SINOVAC  hale sa China asin ang Astrazeneca na nag-abot man kan petsa 4 kasunod kan sinovac.

Enot na nagpabakuna ang mga pamayo kan hospital sa Bicol poon sa EBMC, BMC asin iba pang mga health workers sa Albay asin Camarines sur.

Segun ki DOH officer sa Catanduanes na si Dr. John Aquino, ang magiging basehan tanganing makaabot ang bakuna sa Catanduanes iyo ang isasaguibong simulation exercises ngonian na Lunes. Kung preparado na ang probinsya, matic ng matatawanan ning mga premerong doses ang Catanduanes. Gagraduhan soboot ang coordinating team poon sa pag-abot kan bakuna pasiring sa storage asin ang vaccination proper.

Nagsaguibo na ning series of meeting ang mga stakeholders kung kaya, naglalaom kita na all set na ang gabos. Magkakaigwa man soboot ning ceremonial vaccination sa EBMC antes na idagos sa mga frontline health workers na iyo ang prayoridad.

Well, idasal ta na maging epektibo ang bakuna sa ibong kan mga pagduda asin dai man ning mapeligruhan na buhay. Ang importante, maminimisar na ang magkakaigwa ning covid, ingkaso dakul ng mabakunahan.

Alagad, bako man soboot assurance na immune kana ingkaso nabakunahan na. Magiging makusog soboot ang immune system mo tanganing bakong madali ang pagkahawa saimo.

Good luck sa sato gabos

*********

PinagRelaks na ang travel protocols kan mga travelers niyato. Dai ng 14 days quarantine, apwera na sana kung igwa ning sintomas kan pinagsairarom sa examination sa mga port asin airport.

Saro sa mga rasones kung nata ta pinagluwagan iyo ang grabeng epekto sa ekonomiya.

Medyo, reparo talang, sa dikit na minutong nagluwag ang sitwasyon, lobo na man ang numero kan mga nagpositibo.

Ano daw kung halaton muna nin dikit na oras ang bakuna? Medyo, semplang ang implementasyon kan pagluwag mantang nag-abot pa sana ang Buena mano salvo kan bakuna. Esep-esep pag may time sa mga IATF. Diskumpasado sa lohika ang sinabi ng mga lakdang. Nakahalat ngani kita nin halawig na panahon, ngonian na nag-abot na ang bakuna mantang dai pa naka rollout, pinaghunudan na.

Iyana ng pinag-aabot na dai nin synchronization. Sa Catanduanes mismo, grabe na naman ang positibo. Nagdadakul ang numero sa Viga asin Pandan. Napano?

Advertisement