FANTASTIC/WALASTIC: Congratulations sa Bato LGU na pinagnumbraran bilang 3rd BEST LGU (In Infrastructure Pillar). Kairiba kan LGU Bato ang duwa pang LGU awardees sa rehiyon, ang LGU Legazpi asin LGU Naga.
Sa reglamento kan DTI, ang mga cities asin municipalities ang pinag-ranking sa saindang competitiveness basado sa overall competitiveness score.
“The overall competitiveness score is the sum of scores on three main pillars which pool data from several sub-indicators. The three main pillars are: economic dynamism, government efficiency and infrastructure. Scores are determined by the values of the actual data, as well as the completeness of the submitted data. The higher the score of a city or municipality, the more competitive it is.”
Segun ki Mayor Jonny Rodulfo, nag-angat sinda poon sa pagiging 6th placer last year and this time nag-angat ning tolong steps pasiring sa 3rd place ngonian na taon. Hangad soboot nindang mamantinir ang sinabi ng award o malampasan pa ini sa ibong kan mga dagdag na criteria na pinaglatag kan DTI.
Ang award, minasignificar ning pagiging maray ang governance kan LGU Bato asin kompleto sa standard procedures, available all the time ang mga datus sa lado kan business record, infra documentation asin iba pang criteria sa panggogovierno.
Pinagki-kredito niya man soboot ang award sa mahihigus na empleyado kan LGU Bato, particular sa Municipal Planning Development Officer na si MPDC/CMCI LGU Focal Person na si Engr. Franklin Toledana, DTI provincial Director Maria Belma Escueta asin sa iba pang mga sectores.
Good Job Mayor Johnny and sa LGU Bato.
BVOX POPULI VOX DEI: Gradwado na soboot ang maabot sa 1.3 milyon na mga kabale sa 4Ps kung kaya maw-ot ining haleon na kan bag-ong sekretaryo kan DSWD na si Erwin Tulfo.
Out of 4 milyon benepisyaryo, ang 1.3 milyon tatanggalon na tanganing matawanan man ning tsansa so iba pang mga nasa poorest of the poor na labi ka-importanteng matabangan kan govierno.
Sa ibong na lado, pinagkokontestar ang lakdang na ini kan organisasyon kan pantawid. Sa naresibi niyatong manifesto kan mga benepisyaryo, iyo ini ang pinagpapangapudan ninda.
PANAWAGAN NG SNPP:
“ITIGIL ANG PAGTANGGAL SA 1.3 MILYONG BENEPISYARYO NG WALANG REVALIDATION
Ang Samahan ng Nagkakaisang Pamilya ng Pantawid (SNPP) bilang boses ng mga kapwa benepisyaryo ay kinokondena ang pagpapatigil ng revalidation sa mga benes. Ang tuluyang tanggalin ang mga nasa code 15, code 12, code 22, code 26 na hindi idinaan sa tamang proseso at sa pamamagitan lamang ng Isang utos ay hindi makatarungan!
Patuloy kaming nanawagan Sec. Erwin Tulfo pakinggan nyo ang boses ng mga benepisyaryo. Maging makatarungan po sana kayo!
Nasaan ang malasakit para sa mahihirap? Pirmado kan mga pamayo kan sinabi ng organisasyon na sinda Jeana Catacio and Analiza Natalio.
Sa intrevista niato ki Ms. Analiza natalio, nag-apelar ini ki Secretary Tulfo na tawan man sinda ning tsansa na makadayalogo para Makua man so side kan grupo. Basado soboot sa lay, pitong (7) taon ang magiging duration kung kabali ka sa program, unless mag-waive ang benepisyaryo. Dakula soboot ang naitabang sainda kan sinabi ng programa na nakatabang tanganing makaahon sinda sa kasakitan. Kung igwa man soboot ning mga nagiging pasaway, igwa ini ning corresponding disiplina, sundo sa matanggal kung blatant violation o talagang bako ng magkakanigo sa programa.
EYE IN THE SKY: Segon sa sekretaryo kan DepEd na si VP Sara Duterte-Carpio, bakong mandatory ang uniform sa mga estudyante ngonian na school year 2022-2023. Obheto kaini tanganing dai masakitan ang mga magurang sa pagpatahi o pagbakal nin uniporme na makaulang pa sa financial kan mga magurang.
Sa ibong na lado, magayon ang obheto kan sekretaryo, alagad, mas magayon kung dangugon man so lado kan mga magurang kung ini paborable sainda o bako. Kung dai ma-uniform, casuals sana ang susuluton kan mga estudyante asin ano ang implikasyon kaini sa saindang pag-adal.
Sa satong obserbasyon, mas dakula ang magiging disbentahe sa mga estudyante kung casuals maging sa mga magurang. Mas magastos ang casual nin huli ta dakul ang babakalon mong bado lalo kung straight na whole week. Laen pa digdi ang posibleng consequences kan dai bistong mga estudyante na basta na sana maralaog sa mga eskwelahan.
Saro mga bentahe iyo na napo-professionalize ang status kan mga estudyante. Sa huben pang kaisipan dapat nadedevelop ang saindang inaapod na manners and right conduct. Ikaduwa, dakula ang significante kan uniform sa lado kan mga estudyante, apisar pa sa identification kan mga ini sa laog kan visinidad kan eskwelahan.
Kaidto, ang serye ning kidnapping nangyayari nin huli ta dakul nakakalaog sa eskwelahan na nagpapanggap na estudyante, iyon palan, may mga plano na ginagaramit kan mga matraraot na element kan sociodad.
Ang mga possible remedies kan govierno iyo ang counterpart sa uniform. Kung saro ang kaya kan magurang, ang ikaduwang set ning uniform pwedeng esponsoran kan govierno o mga govierno lokal. Pwede ining isabay sa pantawid ta kadaklan sa mga dai naka-afford so talagang pobre.
Ultimately, madefendir ang arog kaning mga measures sa lado kan mga Parent Teachers Association asin dai dapat pag-imponir. SA MARAY NA PAG-URULAY, DAKUL NING MAHAHAMAN MGA KAPERYODIKO. (FB EYE BY: FERDIE BRIZO)
