Dose na sana hale sa 315 barangays ang natatadang isinasairarom sa validation tanganing ideklarang “drug cleared” ang probinsya nin Catanduanes.

Sa intrevista niato ki Regional Director Edgar Jubay kan Philippine Drug Enforcement Agency (PDEA), ingkaso soboot maging klarado na ang doseng ini, maidedeklarang pinaka-enot ang Catanduanes sa pagiging “drug cleared” sa rehiyon.

Sa ibong na lado, kunsideradong nasa critical stage man guiraray soboot ang Bicol Region pag-a-bot sa distribution nin droga nin huli sa accessibility kaini sa ibang parte kan rehiyon, arog kan Region 4 area, Visayas area asin Mindanao, dara kan Matnog port, Tabaco asin Camarines sur area.

Katakod kani, pinagbibilog soboot ninda ang idea na magkaigwa nin mahigot na monitoring sa mga pantalan tanganing mapreventaran ang paglaog kan mga epektos may relasyon sa droga.

Sa Catanduanes, kabale pa sa suwestyon ni RD Jubay iyo ang activation kan mga “Bantay Dagat” sa mga municipyo, kung saen, mawot nindang magkaigwa ning collaboration tanganing bako sanang illegal na pagsisira ang target kundi maging ang pagbariwas nin droga na ipinapaagui sa kadagatan.

Napag-araman na siyam na sanang barangay ang dai pa drug cleared sa Virac mantang duwa sa Caramoran asin saro sa Pandan

Sa level ning infested kan droga sa rehiyon, nangengenot pa man guiraray ang Camarines sur nin huli sa dakulang populasyon, Albay, Cam norte, Masbate, 2nd to the last ang Catanduanes asin ang Sorsogon ang pinakahuri.

Segun ki Jubay, mamamate kan mga Bicolano ang makusog na kampanya kontra sa droga sa irarom kan saiyang administrasyon.

Good luck kay RD Jubay, magiging magayon ang imahen kan happy island kung matututukan ang mga estratihiya tanganing rumagon ang droga sa rehiyon, partikularmente sa isla.

************

Sundo sa ngonian, nagpapadagos pa soboot ang hearing sa controversial na “drug laboratory” sa Palta small sa banwaan ning Virac.

2016 pa kan pumutok ang kontrobersiya sa drug laboratory na naglaag sa isla sa mga headlines kan mga bareta sa nasyon.

Segun ki RD Jubay, nababantayan na ang sinabi ng lugar asin dai pa natutuldukan kung sisay ang nasa likod kan sinabi ng laboratoryo.

Ini ang problema sa judicial system sa Pinas, halawig ang proseso kung kaya dai napapanagot deretsu ang mga akusado.

************

Kan nagtalikod na petsa 3, pinaglunsar kan DILG asin kan lokal na govierno kan probinsya ang “Buhay ay Ingatan, Droga ay Iwasan” na pinagpartisiparan ning maabot sa 2mil na mga persona guikan sa man laen laen  na ahensya de govierno sundo sa mga barangay. Pinaglalaoman na ang sinabi ng lakdang magiging tulay sa mas pang makusog na kampanya kontra sa naglalakop na droga sa rehiyon.

Committed ang lokal na govierno kan Catanduanes sa pangengenot kan Cua brothers na rumpagon ang illegal na droga, partikular ang misyon na ideklarang “drug cleared” ang isla sa paagui ning collaboration effort entre kan mga institution. (FERDIE M. BRIZO)

Advertisement