Dagos ang pagdakul ning covid patients sa Catanduanes. Ini ang pinag-aapod na new normal asin mahalat na sana kitang masawa tanganing akseptaron ang katotohan na kada saro sato bakong salbado sa peligro anuman na oras dahil ki covido.
Ang pagbaralik kan satong mga kababayan dai man pwedeng priveran alagad in times like this, kung kaya paman kuta ng mapugulan muna ang mga mauruli haleng Manila, mas magayon isakripisyo muna ang pungaw kaysa mahawaan kamo mientras na gabyahe o makahawa kamo pag-abot sa isla, arog kan mga nangyayari ngonian.
**********
Inako ni OIC Chief of Police Tony Perez na medyo masakit para sa Virac na ideklarang maging drug free municipality, alagad, yaon soboot ang saindang paghinguha kung papano ini marerealisar in due time.
Sa ibong kan pandemya, dai pa guiraray napupurok ang modos kan mga durugista sa Virac maging sa probinsya.
Basado sa mga observers, suntok sa buwan talaga soboot ang pagrumpag kan droga nin huli ta dakul ang nagdedependir digdi.
So mga adik na asin nakagawian na ang droga, posible soboot na mapondo sana ning dikit, alagad dai ma-eeliminate nin huli sa numero poon pa kan nagtalikod na mga aldaw.
Sa ngonian, ang mga municipyo kan Viga asin San Miguel ang naideklara komo “drug cleared” barangay kung kaya pinagdadagdagan ang mga “Balay Silangan” tanganing dagos ng marehabilitate ang mga lango na sa droga. Sa pagkaka-konstuer kan Bato Balay Silangan, mas madakul ang magiging building kan mga pwedeng darhan kan mga pinagsasairarom sa rehabilitation.
*************
Magiging available sana soboot sa mga pobreng tikoy na maaki nin ceasarian ang EBMC. So mga medyo, ayu-ayuhon deretsu na kamo either sa Immaculate Heart of Mary o sa Catanduanes Doctors Hospital, Inic. (CDHI).
Segun ki Dr. Vietrez Abella, ini ang napagdesisyunan kan mgt in the maintime na nasa onleave pa ang anesthesiologist na solong pinaglalaoman sa sinabi ng hospital.
Ini ang naging remedyo kan EBMC makalihis na idenunciar ni PBM Santos Zafe sa SP ang sumbong saiya kan sarong pobreng tikoy na haros dai makaluwas sa hospital ta malang dai ning pambayad ning 5ok pataas.
Napag-araman na dakul na nin mga sinubol an EBMC sa ibang hospital dahil sa kaparehong problema. Dai tabi ni anesto sa EBMC. Dakul ng nawara na 19,000 package kan PhilHealth dyan sa EBMC asin ang mga pribadong ospital ang mga ganador. “your failure is my success” sabi kan sarong parasurat.
Permi kong narurumduman ang haloy ng kurahaw kan publiko maging sa Sangguniang Panlalawigan na ibalik na sa national government ang sinabi ng ospital kung malala na ang pagiging incapacity sa serbisyo kan mga Catandunganon.
Well, ang bola, nasa kamot kan SP maging ki Gobernador Joseph Cua. Ang sabi kan gobernador kan nagtalikod na election, mismanage sana man ang sinabi ng ospital asin willing siyang tabangan ini sa padagus na economic enterprise.
Ngonian ta nakabalik na siya sa pwesto, hinahalat kan publiko ang klaradong programa kung papano magiging pader na sandalan kan mga nagkakahelang ang health care provider arog kan EBMC na lubhang kaipuhan sa isla sa panahon nin pandemic.
**********
