Mantang nasa “Perpetual Isolation” ngonian si Presidente Rodrigo Duterte, pormal ng naglantad ang grupo na minabuhay sa inaapod na “REVOLUTIONARY GOVERNMENT” (REVGOV).
Ang grupo iyo ang inaapod na Mayor Rodrigo Roa Duterte-National Executive Coordinating Committee (MRRD-NECC) na iyo man ang saro sa mga nagbusol kan kandidatura ni President Duterte kan 2016.
Sa ibong kan pagiging die hard kan grupong ini, nabitin ang sinabi ng mga supporters sa mga probinsya nin huli ta dai man naitau ang budget para sa saindang mobilization.
Intonses, semplang ang kadaklan sa mga miyembro kan grupo ini. Sadiring diskarte ang nangyari asin nanggana so igwa ning sadiring prosopwesto.
Sa ibong kaini, yaon man graray ang grupo na minagibo nin paagui tanganing suportahan ang presidente.
Mientrastanto, segun sa mga Constitutional experts, kung masabay ang presidente sa lakdang na magkaigwa ning revolutionary government, boot sabihon, kaipuhan na bakantehon niya ang pwesto, at presto si Vice President Leni Robredo ang magiging successor. Kung magiging parte pano ang presidente sa destibilisasyon kan saiyang govierno, kaipuhan na maglusad siya sa pwesto, segun sa mga legal experts.
Saro sa mga pinagtutulod kan grupo iyo ang ipinagpromesa sa panahon nin election kan presidente na “federal form of government”. Nagtutubod ang grupo na nin huli sa kawaran ning suporta hale sa kongreso kung kaya nauktaba ang sinabi ng mga plano.
Ang hapot, ingkaso si VP Leni ang magiging successor, matugot ba ang VP tanganing salidahan ang presenteng Sistema kan govierno? Sa obserbasyon ta, medyo Malabo ang sinabi ng punto nin huli ta oposisyon ang VP.
Kinumpirma ang hiro na ini kan mga pamayo kan PNP, partikular si PNP Chief Gamboa. Dai soboot sinda masuporta sa anuman na hiro kontra o suhay sa mandato kan konstitusyon.
Kabale sa mga ideya na pinapalataw kan grupo. Mantang soboot nasa pagpanday kan bagong Constitution, si Presidente Duterte ang pwedeng mangenot sa REVGOV sundo sa maging operational ang bagong Constitution sa Disyembre 2021.
Sa ibong na lado, basado sa Constitution, tolong proseso sana man kung papano ang revision asin amendment kan Constitution. Ini sa paagui kan Constituent Assembly, Constitutional Convention asin People’s Initiative. Kung revision (substantial), ConAs asin Concon sana man ang pwede.
Ingkaso, bako ini ang magiging paagui sa pagsalida kan Constitution, saro ining pagbalgar sa presenteng Bibliya kan nasyon. Posibleng guikanan ini nin panibagong rebok sa nasyon.
Sa ibong kan namamatean niatong perwesyo nin huli sa pandemya, magkakanigo kaya ang arog kaining mga lakdang? That’s remain to be seen. Abangan ta ang susunod na kabanata.
**********
Kaipuhan seguro na magkunducir ning meeting ang gobernador asin ang mga alkalde sa bilog na probinsya tanganing pagplanuhan ang komprehensibong approach sa pagmanehar kan virus sa islang kayganda.
Ini tanganing maliwanawan ang ipinaluwas na Executive Order manongod sa “Barangay Exit Pass” asin iba pang mga mawot ipa-implementar sa probinsya. May mga kwestyon ang ibang alkalde sa derektiba lalo na ang gare ECQ style kan implementasyon.
Medyo, alarmado ang mga Catandunganon sa padagos na pagdakul kan numero kan mga nagiging positibo sa kada aldaw. Segun sa mga local Executive, local transmission na ang nangyayari.
Kaipuhan talaga digdi ang judgment call kan gobernador sundo sa mga alkalde tanganing makortar ang padagus na paglakop kan virus. Kung local transmission na ang nangyayari, bako na kitang salbado sa isla.
**********
